Э.Мөнх-Очир МҮОХ-г хариуцагчаар татаж, нэхэмжлэл гаргажээ

УИХ-ын гишүүн асан Э.Мөнх-Очир Хан-Уул дүүргийн иргэний хэргийн анхан шатны шүүхэд Монголын үндэсний олимпийн хороо /МҮОХ/-г хариуцагчаар татаж, дараах нэхэмжлэлүүдийг гаргасан байна.
 

• Нэгдүгээрт, 2017.03.24-ний өдрийн МҮОХ-ны Ерөнхийлөгчөөр Д.Загдсүрэнг сонгосон 01 дугаартай сонгуулийн комиссын тогтоолыг хүчингүй болгуулах,
   
• Хоёрдугаарт, Д.Загдсүрэнг эс тооцвол хамгийн олон санал авсан Э.Мөнх-Очир намайг МҮОХ-ны Ерөнхийлөгчөөр сонгосон тухай шийдвэр гаргахыг МҮОХ-нд даалгуулах тухай,
   
• Гуравдугаарт, МҮОХ-ны Дэд ерөнхийлөгчөөр сонгогдсон хүмүүсийг баталгаажуулсан 2017.03.24-ний өдрийн МҮОХ-ны чуулганы тогтоолыг хүчингүйд тооцуулах,
   
• Дөрөвдүгээрт, МҮОХ-ны Гүйцэтгэх зөвлөлийн гишүүдээр сонгогдсон хүмүүсийг баталгаажуулсан 2017.03.24-ний өдрийн МҮОХ-ны чуулганы тогтоолыг хүчингүйд тооцуулах,
   
• Тавдугаарт, МҮОХ-ны Ерөнхий нарийн бичгийн даргыг томилсон МҮОХ-ны Гүйцэтгэх зөвлөлийн 2017.03.24-ний өдрийн шийдвэрийг хүчингүйд тооцуулах,
   
• Зургаадугаарт, МҮОХ-ны 2019.01.25-ны гишүүдийн хурлыг хийлгэхгүй байлгах талаар МҮОХ-нд даалгах,
   
• Долоодугаарт, Гишүүдийн хурлаар Д.Загдсүрэнгийн ажлаас чөлөөлөгдөх хүсэлтийг хэлэлцэхгүй байхыг МҮОХ-нд даалгах,
   
• Наймдугаарт, 2010 онд МҮОХ-ны дүрмийг баталсан бүрэлдэхүүнийг хүчингүйд тооцуулах,
   
• Есдүгээрт, 2016.09.16-ны өдрийн МҮОХ-ноос гарсан МҮОХ-ны дүрмийг баталсан тогтоолыг хүчингүйд тооцуулах.

Эх сурвалж: МОНГОЛЫН ҮНДЭСНИЙ ОЛИМПИЙН ХОРОО