Монголын соёлын өдрүүдийг Бээжин хотод зохион байгуулна

А.Гоогарьд | Zindaa.mn
2019 оны 10 сарын 22

Монгол Улсын Боловсрол, соёл, шинжлэх ухаан, спортын дэд сайд Г.Ганбаяр Хятад улсад аравдугаар сарын 17-18-ны өдөр ажлын айлчлал хийлээ.

Айлчлалын хүрээнд тэрээр Хятад улсын Соёл, аялал жуулчлалын дэд сайд Жан Шюү, Хэвлэл мэдээлэл, радио телевиз, үзэл сурталын дэд сайд Жян Жианьгуотай уулзаж, Монгол-Хятадын дипломат харилцаа тогтоосны 70 жилийн ойг тохиолдуулан Монголын соёлын өдрүүдийг Бээжин хотноо зохион байгуулахад хамтран ажиллах асуудлаар санал солилцов.

Уулзалтын үеэр Монголын соёлын өдрүүдийг 2019 оны арванхоёрдугаар сарын 01-03-ны өдрүүдэд фото зургийн үзэсгэлэн, монгол судлалын эрдэм шинжилгээний хурал, монголын кино өдрүүд болон үндэсний урлагийн тоглолтыг зохион байгуулахаар талууд харилцан тохиролцлоо.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Я (103.212.117.224) 2019 оны 10 сарын 22

ФСДА ЯМАР Ч БОЛОВСРОЛГУЙ ЭНЭ ЛЛАРЫГ ХАРАХААР БААС ХУРЧЛЭЭ МАН -АА ХУРЭЛСУГЭЭ

0  |  0
Top