"Бий биелгээ" шавь сургалтын тайлан тоглолт болно

“Соёлын өвийг хамгаалах тухай” хуулийн хэрэгжилтийг хангах, соёлын биет бус өвийг хойч үедээ өвлүүлэн, уламжлуулах зорилготой Засгийн газрын хэрэгжүүлэгч агентлаг Соёл, урлагийн газар , Монгол Улсын Соёл урлагийн их сургуулийн Соёлын сургуулийн Соёл судлалын тэнхимтэй хамтран “Шавь” сургалтуудыг үе шаттайгаар зохион явуулж байгаа билээ.

“Шавь” сургалт нь бий, биелгээний урлагийг өвлөсөн ардын билиг авъяастны үйл ажиллагааг дэмжих, тэдний авъяас билиг, арга барил, дэг сургуулийг хадгалж хамгаалан хөгжүүлэх, үндэсний урлагийн мартагдаж байгаа өв уламжлалыг сэргээх, өвлөн хөгжүүлэх үйл ажиллагааны түвшин дээшилж, хамрах хүрээ, далайц, хүртээмжийг нэмэгдүүлэх зэрэг ач холбогдолтой. 

Тэгвэл өнөөдөр /2019.10.31/ 16:00 цагаас СУИС-ийн Соёлын сургуулийн "Өв соёлын өргөө"-нд Соёлын биет бус өвийн "Бий биелгээ" шавь сургалтын тайлан тоглолт болох гэж байна.