“Спортын залуу зүтгэлтэн" сургалтад сэтгүүлч Э.Энхбаяр оролцоно

Спорт-Олимпизмийн үзэл санааг түгээн дэлгэрүүлэх зорилгоор БНХАУ-ын Үндэсний олимпийн хорооноос Спортын залуу зүтгэлтэн сургалт-семинарыг тогтмол зохион байгуулдаг билээ. Уг сургалт-семинар нь өнгөрсөн хугацаанд нийт зургаан удаа зохиогдсон бөгөөд олон улсын 200 гаруй спортын залуу зүтгэлтнүүдийг хамруулсан байна.

Энэ оны арваннэгдүгээр сарын 03-08-ны өдрүүдэд зохион байгуулагдах долоо дахь удаагийн тус сургалт-семинарт Монгол Улсаас Монголын хөлбөмбөгийн холбооноос тодорхойлогдсон спортын сэтгүүлч Э.Энхбаяр оролцох юм.

Монголын үндэсний олимпийн хорооны Гүйцэтгэх зөвлөлийн гишүүн Т.Амаржаргал спортын сэтгүүлч Э.Энхбаярыг хүлээн авч уулзан, амжилт хүслээ.