СЭРЭМЖЛҮҮЛЭГ: Хүүхдүүд нэгнээ хутгалсан хэрэг бүртгэгджээ 

Б.Эрхэс | Zindaa.mn
2019 оны 11 сарын 18

Цагдаагийн байгууллагад насанд хүрээгүй хүүхдүүд нэгнээ хутгалсан хэрэг энэ сарын 15-ны өдрийн 15.00 цагийн үед бүртгэгджээ.

Тодруулбал, Сонгинохайрхан дүүргийн Цагдаагийн III хэлтэст "Тус дүүргийн 15 дугаар хорооны нутаг дэвсгэрт байрлах нэгэн хүнсний дэлгүүрт зүс таних хүүхэд нэгнийгээ хутгалж, хэргийн газраас зугатлаа" гэх дуудлага мэдээлэл ирсний дагуу цагдаагийн албан хаагчид шуурхай эрэн сурвалжилж, 15 настай Ө болохыг олж тогтоосон байна.

Одоогоор гарандаа хутгалуулсан 15 настай Т-гийн биеийн байдал хэвийн байгаа талаар эх сурвалж мэдээллээ. 

Урьдчилсан байдлаар насанд хүрээгүй хүүхдүүд нэгийгээ хувийн таарамжгүй харьцааны улмаас хутгалсан байж болзошгүй нөхцөл байдал тогтоогдож байгаа бөгөөд хэргийн шалгалтын ажиллагаа үргэлжилж байна.

Эцэг, эхчүүд өсвөр насны хүүхэддээ хараа хяналтай сайн тавьж байх шаардлагатай байгааг цагдаагийг байгууллагаас сэрэмжлүүлж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн(202.5.198.36) 2020 оны 09 сарын 22

өөрийгөө лут эр гэж бодоо юу муу гоожуур чинь хамгийн арчаа муутай хүн л хутга шөвөг баридийшдээ

0  |  0
Top