“Сүнс”-ийнхэн “Алдрын багана”-тай боллоо

Эрдэнэт хотоос төрөн гарсан улс, дэлхийн алдартнуудыг алдаршуулдаг багана Эрдэнэт дэх Урт цагааны гудамжинд байдаг. Тэгвэл зургаа дахь баганын эзэд нь Монголын анхны хөвгүүдийн хамтлаг  болох “Сүнс”-ийнхэн болов.

“Сүнс” хамтлагийн нэрэмжит “Алдрын багана”-ыг нээх арга хэмжээ өчигдөр буюу 2019 оны арванхоёрдугаар сарын 13-нд боллоо.

Тус хамтлагийн логог аранжин зэсээр  цутган хийж, Эрдэнэт нутгийн боржин чулуугаар 108 үелж бүтээжээ.

Тодотгоход, “Алдрын багана” байршуулах уг төсөл нь Улаанбаатар хот дахь Эрдэнэт хотын нутгийн зөвлөлийн санаачилга юм байна.