Б.Чинбат, Ц.Сарнай нарт зориулсан хандивын тоглолтыг ХОЙШЛУУЛЛАА

БНХАУ-д коронавирусын халдвар эрчимжсэнтэй холбоотойгоор Монгол Улсын Засгийн газар холбогдох арга хэмжээ авч, олон нийтийг хамарсан үзвэр, үйлчилгээг хориглосон тул БНСУ-д эмчилгээ хийлгэж буй хөгжмийн зохиолч Б.Чинбат, Ц.Сарнай нарт зориулсан "Niciton & Friends" тоглолтыг хойшлуулжээ.

"PrayForChinbaFamily" хандивын аяны хүрээнд зохион байгуулж буй "Niciton & Friends" тоглолт 2020 оны гуравдугаар сарын 14-ний өдөр 17:00 цагаас "Улаанбаатар палас"-ын концертын Их танхимд болох аж.

"Үзэгч, хандивлагч та бүхний худалдан авсан тасалбар, хандив энэ хугацаанд хүчин төгөлдөр байх бөгөөд хандивын аян үргэлжилж байгаа" хэмээн тоглолтын зохион байгулагчид мэдэгдлээ. 

"Никитон" хамтлагийнхан мөн хөгжмийн зохиолч Б.Чинбат, түүний гэргий Ц.Сарнай нарын биеийн байдал сайжирч байгааг дуулгалаа.