НДЕГ-ын дарга асан Ц.Уртнасанг 48 ЦАГ саатуулаад суллажээ 

АТГ-аас Нийгмийн даатгалын ерөнхий газрын даргаар ажиллаж байсан Ц.Уртнасанг эрх мэдэл, албан тушаалаа урвуулан ашиглаж улсад их хэмжээний хохирол учруулсан гэх үндэслэлээр шалгаж эхэлжээ.

Улмаар түүнийг ШШГЕГ-ын харьяа Цагдан хорих 461 дүгээр ангид 48 цаг саатуулж, өчигдөр /2020.02.04/ сулласан байна.

Энэ талаар албаныхнаас тодруулахад "НДЕГ-ын дарга асан Ц.Уртнасанг өчигдөр сулласан. Түүнийг хуулийн дагуу 48 цаг саатуулж, тайлбар авсан" гэх мэдээллийг өглөө.