БНСУ-д ажиллаж, амьдарч байгаа Монгол иргэдийн АНХААРАЛД
БНСУ-ын Засгийн газрын хуралдаанаар өнөөдөр "Шин Чон Жи" сүмийн итгэгч нарыг бүхэлд нь шалгах, амны хаалтыг хүртээмжтэй байлгах асуудлуудыг хэлэлэцсэн байна.
Мөн Тобүро Минжүдан (Ардчилсан нам), Засгийн газар, Ерөнхийлөгчийн Тамгын газар хуралдаж, COVID-19 халдварын тархалтыг таслан зогсоохын тулд Дэгү (대구), Гойнбүг (경부기, Чонду (청도) зэрэг бүс нутгуудад тусгай арга хэмжээ авах асуудлыг хэлэлцжээ.
Амны хаалтны хүртээмжтэй байдлыг хангахын тулд нийт үйлдвэрлэгдсэн маскны 10 хүртэлх хувийг экспортлохыг зөвшөөрөх, 50-аас дээш хувийг нь Солонгосын Төв шуудан (우체국) болон Нунхйоб (농협) зэрэг нийтийн үйлчилгээний байгууллагуудаар дамжуулан эмнэлгийн байгууллага, иргэдэд шууд нийлүүлэх шийдвэрийг гаргажээ.
БНСУ-д ажиллаж амьдарч байгаа Монгол иргэдийн анхааралд
Макс олдохгүй бол Өмнөд Солонгосын шуудангийн aль ч салбаруудаас авч болно. Мөн дээр дурдсан гурван газарт хөл хорио тавихгүй, хяналтыг сайжруулах арга хэмжээ авч байгаа тул аль болох гэрээсээ гарахгүй байдлаар хувийн ариун цэврээ сахихыг сануулж байна.
Биеийн байдал хүндэрвэл 119 дуудаж, яаралтай тусламж үнэ төлбөргүй авч болно.
БНСУ ДАХЬ ЭСЯ-НААС СЭРЭМЖЛҮҮЛЖ БАЙНА
БНСУ-д коронавирусын халдвар эрчимтэй нэмэгдэж байгаа бөгөөд ялангуяа Умард Гёнсан муж, Дэгү хотод халдвар авч буй хүмүүсийн тоо өндөр байна. БНСУ-ын Онцгой байдлын комисс, Нэгдсэн удирдлагын төв нөхцөл байдалд бүрэн хяналт тавьж, эмнэлгийн байгууллагууд халдвар тархалтыг тогтоох, халдвар авсан хүмүүсийг тогтоох, эмчлэх ажлыг эрчимтэй хийж байна. БНСУ-ын Халдварт өвчний үндэсний судлалын төвөөс нийт хүмүүст хандаж эрүүл мэндийн зөвлөмжийг сайн мөрдөж, албан ёсны мэдээллийн сувгийг ашиглахыг байнга зөвлөж байна.
Манай иргэд халдварын голомт хот, муж, дүүрэгт аль болох зорчихоос зайлсхийх, онцгой шаардлагагүй бол эмнэлгүүдээр явахгүй байх нь зүйтэй. БНСУ-д эмчлүүлж буй манай улсын 1 иргэн коронавирусын халдвар авсан нь тогтоогдсон. Уг өвчтөнийг тусгаарлаж, эмчилгээ хийгдэж байна. Мөн гэр бүлийн гишүүд зэрэг хүмүүсийг тусгаарлаад байна. ЭСЯ холбогдох байгууллагуудаас тухай бүр мэдээлэл авч байгаа болно.
Иргэд Та бүхэн БНСУ-ын эрүүл мэндийн байгууллагаас өгч буй дараах зөвлөмжийг өдөр тутмын амьдралдаа чанд мөрдөж өөрийгөө болон гэр бүлийн гишүүд, ойр дотны хүмүүсээ вирусын халдвар авахаас урьдчилан сэргийлэхийг сэрэмжлүүлж байна!
- Олон нийтийн газар, эмнэлгээр аль болох явахгүй байх, явах тохиолдолд амны хаалт зүүх;
- Онц шаардлагагүй бол эмнэлгээр явахгүй байх, амьсгалын замын өвчний шинж тэмдэгтэй хүмүүсээс зай барих;
- Амны хаалт /маск/тогтмол зүүх;
- Гараа урсгал ус, савангаар 30 секундаас дээш сайн угаах;
- Гар халдваргүйжүүлэгч байнга хэрэглэх;
- Бохир гараар нүүр, нүд, ам, хамарт хүрэхгүй байх;
- Ханиалгах, найтаах үедээ ам, хамраа дарж байх;
- Түүхий ногоо, хүнсийг бүрэн боловсруулж хэрэглэх;
- Шувуу зэрэг ан амьтнаас хол байх.
Хэрэв таньд халуурах, ханиалгах, хоолой өвдөх зэрэг шинж тэмдэг илэрвэл БНСУ-ын Халдварт өвчин судлалын төвийн 1339 (24 цагаар ажиллаж буй), Цагаачлалын албаны 1345 (09.00-22.00 цагийн хооронд монгол хэлээр хариулт өгнө) тусгай дугааруудад холбогдож, ойролцоох эмнэлгийн байгууллагад хандаарай. БНСУ дах нөхцөл байдлын талаар тус улсын Халдварт өвчин судлалын төвийн http://ncov.mohw.go.kr цахим хуудаснаас албан ёсны мэдээлэл авах боломжтой.
ЭСЯ өндөржүүлсэн бэлэн байдалд ажиллаж, ШУУРХАЙ УТАС 010-8205-3464 ажиллаж байна.
Иргэдэд зориулсан сэрэмжлүүлэг, өвчний тархалтын нөхцөл байдал, Монгол Улсын Засгийн газраас авч хэрэгжүүлж байгаа арга хэмжээний талаар ЭСЯ-ны “Embassy of Mongolia in Seoul” фэйсбүүк хуудас, www.mongolembassy.com цахим хуудаснаас мэдээлэл авах, мөн ШУУРХАЙ УТАС 010-8205-3464, мөн (02)798-3464 утсаар холбогдож санал, хүсэлтээ өгч, мэдээлэл авна уу.
Эх сурвалж: MBC
Холбоотой мэдээ
Сэтгэгдэл ( 1 )
za ter ene hymyys daraa ni mongold irvel sain arga hemjee avahgui bol hezyydee