Нус цэрээ хаяж, ил задгай бие зассан 6898 иргэнд 76 сая төгрөгийн торгууль ногдуулжээ

Нийслэлийн харьяа газруудын дарга нар өнөөдөр /2020.03.09/ цаг үеийн асуудлаар мэдээлэл хийлээ.

Шинэ коронавирусийн халдварт өвчнөөс урьдчилан сэргийлэх хүрээнд Цагдаагийн байгууллагын 1100 гаруй албан хаагчид үүрэг гүйцэтгэж байна.

Нийслэлийн цагдаагийн газрын Урьдчилан сэргийлэх хэлтсийн дарга Л.Амармөрөн “ Нийслэлийн Засаг даргын захирамжийн дагуу холбогдох байгууллагуудтай хамтран хяналт шалгалт зохион байгуулан ажиллаж байна. Үйл ажиллагааг нь түр зогсоосон ААН-үүдээс 168 гаруй ААН захирамж зөрчиж, үйл ажиллагаа явуулсан байна.

Удаа дараа давтаж үйл ажиллагаа явуулсан ААН-үүдийг дурдвал,
 

• Сонгинохайрхан дүүргийн “Ану” төв цахим тоглоомын газар удаа дараа захирамж зөрчиж ажилласан.
   
• Баянзүрх дүүргийн “Марина” цахим тоглоомын газар таван удаа захирамж зөрчиж ажилласан.
   
• Баянгол дүүргийн “Фокус” цахим тоглоомын газар удаа дараа захирамж зөрчиж ажилласан.
   

Нийтдээ 70 гаруй ААН-үүд удаа дараа захирамж зөрчиж ажилласан учраас эдгээр газруудын тусгай зөвшөөрлийг хүчингүй болгох хүсэлт хүргүүлсэн. Иргэд, ААН-үүд төр засгаас гаргаж байгаа захирамжийг үл тоож байна.

Нийслэлийн Засаг даргын А/168 дугаар захирамжын дагуу олон нийтийн газар нус цэрээ хаясан, ил задгай бие зассан 6898 хүнд 76 сая төгрөгийн торгуулийн арга хэмжээ авсан.
 

• 1100 нь нус, цэрээ хаясан зөрчил байна.
   
• 650 гаруй нь бие зассан зөрчил байна” гэв.