Байт харваачид холимог хос төрөлд IV байр эзлэв

Туркийн Анталья хотноо болсон байт харвааны Дэлхийн цомын цуврал тэмцээнд манай тамирчид оролцлоо. Тус тэмцээний холимог харваанд 34 баг оролцсоноос Б.Урантунгалаг, Ж.Гантөгс нар Украин, АНУ, БНХАУ-ын тамирчдыг ялж, хүрэл медалийн төлөө БНСУ-ын хосод ялагдаж дөрөвдүгээр байрт шалгарсан нь манай тамирчдын хамгийн дээд амжилт болов.

Дэлхийн цомд 110 эмэгтэй “алтан зурхай”-д гарч цэц сориход ОУХМ Б.Урантунгалаг урьдчилсан харваанд 43-аар шалгаран, цаашид Польшийн Ж.Жасаг 7:3, Энэтхэгийн Б.Девиг 7:1, Италийн Н.Валееваг 6:4-өөр буулган авч, шөвгийн наймд БНСУ-ын Хан Гёнхид 2:6-гаар дийлдсэнээр зургадугаар байр эзэлсэн байна. А.Энхтуяа 82, Ч.Оюунсүрэн 88 дугаар байрт оржээ.

Тус тэмцээнд 130 эрэгтэй өрсөлдсөнөөс ОУХМ Ж.Гантөгс урьдчилсан шатанд 13-т орж, улмаар Ц.Клорней (Румын), М.Франжилли (Итали) нарыг тус бүр 6:2-оор ялж, дэлхийд чансаагаараа дөрөвдүгээрт бичигддэг Б.Эллисон (АНУ)-д 5:6-гаар дийлджээ. Урьдчилсан харваанд 49-д оржээ.

Дашрамд сонирхуулахад, Ж.Гантөгс дөрвөн зайннийлбэрээрулсындээдамжилтыг (1319) 1336 оноогоор шинэчилсэн бол холимог харваанд ч дээд амжилтыг эвдсэн байна. Байт харваачид Туркт 18 хоног бэлтгэл хийгээд ДАШТ-д оролцохоор Италийн Турин хотыг зорих юм.

Эх сурвалж: МОНЦАМЭ