Азийн Залуучуудын III наадам БНХАУ-ын Шантоу хотноо зохиогдоно

Автор | Zindaa.mn
2020 оны 04 сарын 02

Азийн залуучуудын III наадам 2021 оны 11 дүгээр сарын 20-28-ны өдрүүдэд БНХАУ-ын Шантоу хотноо зохион байгуулахаар шийдвэрлэснийг тус наадмыг Зохион байгуулах хорооноос Азийн олимпийн зөвлөл/АОЗ/-д мэдээлжээ.

Тус наадам нь АОЗ-ийн ивээл дор, хөнгөн атлетик, усан спорт, бадминтон, 3х3 сагсан бөмбөг, элсний волейбол, луут завины уралдаан, хөлбөмбөг, гимнастик, гольф, гандбол, хип хоп бүжиг, рок авиралт, рагби, сёрфинг, ширээний теннис, тэквондо, ушу зэрэг 18 спортын төрлөөр зохион байгуулагдах бөгөөд Ази тивийн 45 орны баг тамирчид оролцох юм.

Азийн залуучуудын наадам нь 2009 онд Сингапур улсад, 2013 онд БНХАУ-ын Наньжин хотноо зохиогдсон түүхтэй.

Ази тивийн авьяаслаг залуу тамирчид тус наадамд оролцсоноор 2022 онд Сенегал улсын Дакар хотноо болох Залуучуудын олимпийн наадамд оролцох бэлтгэл болохоос гадна туршлага солилцох, өрсөлдөөнийг нэмэгдүүлэх, олимпизмийн олон талт арга хэмжээнд хамрагдах олон боломжийг тамирчдад олгох юм.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top