Хилийн чанадад 50 хүн хар тамхины хэрэгт холбогдоод байна

Монгол Улсын консул Б.Баттүшиг болон түүний туслах Э.Сосорбарам нар 2019 оны тавдугаар сарын 3-нд Германы Дрезден хотод 70 кг хар тамхи тээвэрлэж яваад баригдсан. Дрезден хотын шүүх хар тамхи зөөсөн гэх Б.Баттүшиг, Э.Сосорбарам нарт тус бүр 11 жилийн хорих ялыг зургаадугаар сарын 11-нд оноосон билээ.

Энэ мэт хилийн чанадад хар тамхины хэрэгт холбогдох тохиолдол жил ирэх тусам нэмэгдэж байгааг холбогдох албаныхан мэдээлдэг. Энэ жил гэхэд хар тамхитай холбоотой гэмт хэрэгт холбогдсон 50 орчим иргэн бий. Дийлэнх нь өмнөд хөршид байна.