Эрчим хүчний яамны ТНБД-аар Б.Насантогтохыг томилов

М.Тэнүүн | Zindaa.mn
2020 оны 08 сарын 14

Засгийн газрын хуралдаанаар Эрчим хүчний яамны Төрийн нарийн бичгийн даргаар Б.Насантогтохыг томиллоо. Тамгыг ЗГХЭГ-ийн дэд дарга У.Бямбасүрэн, Эрчим хүчний дэд сайд М.Баярмагнай нар гардуулан өглөө.

Б.Насантогтох нь 1997 онд Эрчим хүчний их сургуулийг ДЦС-ын инженер, 1999 онд ХБНГУ-ын Эрчим хүчний институт, 2008 онд ШУТИС-ийг магистраар тус тус дүүргэжээ. 2015 онд “ESCPE”сургуульд Эрчим хүчний удирдлага чиглэлээр мэргэжил дээшлүүлсэн. Монгол Улсын Эрчим хүчний зөвлөх инженер.

1998 оноос “Чойбалсангийн дулааны цахилгаан станц” ТӨҮГ-т машинист, мастер, “Дорнод бүсийн эрчим хүчний систем” ТӨХК-д цехийн дарга, төслийн инженер, гүйцэтгэх захирал, “Монголын Эрчим хүчний холбоо” ТББ-д зөвлөх инженер, 2016 оноос Эрчим хүчний яамны Бодлогын хэрэгжилтийг зохицуулах газрын даргаар ажиллаж ирсэн. Эрчим хүчний салбарт 22 жил, Төрийн албанд 12 жил тус тус ажиллаж байна. 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зос(43.242.243.54) 2020 оны 08 сарын 15

Ажил хийх гэж байгаа хумууст зарим хумуус атаархаж байгаа юм уу

0  |  0
Ах (66.181.180.231) 2020 оны 08 сарын 14

Фсда Хүрэлсүх шал худлаа сүржигнэсэн хулгайч гэдгийг ардууд эхнээсээ ойлгож эхэлж л бнда. Насантогтох гээчийг Даваасүрэн зүтгүүлж шантаажилж Т. Н . Б -ын дарга болголоо. ЖДҮ-чин Д. Амарбаясгалан томилгоо хийгээд л . 2024 онд хулгайчдыг нам арчих нигууртай

1  |  0
Top