Өнөөдөр Монголын ЖҮДОЧДЫН ӨДӨР

З.Тэмлүүн | Zindaa.mn
2020 оны 08 сарын 14

Наймдугаар сарын 14.

Үе үеийн жүдо бөхийн тамирчин, дасгалжуулагч, зүтгэлтэн, дэмжигч, Монголын ард түмний хувьд түүхэн өдөр.

"Сидней-2000" олимпиос нэг ч медальгүй ирсэн Монголын багийн найдварыг тээж, Хөдөлмөрийн баатар, Гавьяат тамирчин Х.Цагаанбаатар 2004 оны Афины олимпиос энэ өдөр буюу наймдугаар сарын 14-нд 20-хон насандаа хүрэл медаль хүртэж байлаа. Түүний дараа 2008 оны Бээжингийн олимпын наадмын 100 кг-ын жинд Н.Түвшинбаяр түрүүлж, монголчууд олимпийн анхны аваргаа өлгийдөн авсан өдөр мөн л наймдугаар сарын 14-нд тохиожээ.

Хөдөлмөрийн баатар Н.Түвшинбаяр Монголын жүдочдоос төрсөн анхны Олимпийн аварга бол Хөдөлмөрийн баатар Х.Цагаанбаатар Монголын анхны Дэлхийн аварга жүдоч билээ. 

Наймдугаар сарын 14 бол Монголын жүдочдын өдөр. Олимпийн наадмаас медаль хүртсэн үе үеийн жүдочдодоо олимпийн тэнгэрт эх орныхоо алтан соёмбот далбааг алдаршуулан мандуулсан баярт өдрийн мэнд хүргэе. 

Монголын тамирчид 1964 оноос олимпийн наадамд оролцож эхэлснээс хойш өнөөдрийг хүртэлх хугацаанд жүдочид зуны олимпийн наадмаас найман медаль хүртсэн бол Дэлхийн аварга шалгаруулах тэмцээнээс 22 медалийг эх орондоо эзлэн иржээ.


ОЛИМПИЙН МЕДАЛЬТ МОНГОЛЫН ЖҮДОЧИД

 

  1. Ц.Дамдин. “Москва-1980”. Мөнгөн медаль
  2. Р.Даваадалай. “Москва-1980”. Хүрэл медаль
  3. Д.Нармандах. “Атланта-1996”. Хүрэл медаль
  4. Х.Цагаанбаатар. “Афин-2004”. Хүрэл медаль
  5. Н.Түвшинбаяр. “Бээжин-2008”. Алтан медаль
  6. С.Ням-Очир. “Лондон-2012”. Хүрэл медаль
  7. Н.Түвшинбаяр. “Лондон-2012”. Мөнгөн медаль
  8. Д.Сумъяа. "Рио-2016". Мөнгөн медаль

 

ЖҮДО БӨХИЙН ДАШТ-ЭЭС МЕДАЛЬ ХҮРТСЭН ЖҮДОЧИД


Алтан медаль

 

  1. Х.Цагаанбаатар (2009 он)
  2. М.Уранцэцэг (2013 он)
  3. Г.Болдбаатар (2014 он)
  4. Д.Сумъяа (2017 он)

 

Мөнгөн медаль

 

  1. О.Балжинням (1989 он)
  2. Д.Амартүвшин (2013 он)
  3. М.Уранцэцэг (2017 он)

 

Хүрэл медаль

 

  1. Д.Баттулга (1989 он)
  2. Х.Эрдэнэт-Од (2005 он)
  3. Х.Цагаанбаатар (2010 он)
  4. М.Бундмаа (2010 он)
  5. С.Ням-Очир (2015 он)
  6. Д.Сумъяа (2015 он)
  7. Ц.Мөнхзаяа (2015 он)
  8. Г.Болдбаатар (2017 он)
  9. Г.Одбаяр (2017 он)
  10. Н.Түвшинбаяр (2017 он)
  11. Б.Мөнгөнчимэг (2017 он)
  12. Л.Отгонбаатар (2018 он)
  13. Ө.Дүүрэнбаяр (2018 он)
  14. Д.Сумъяа (2018 он)
  15. М.Уранцэцэг (2019 он)

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top