Шүүх улсын яллагчийн хүсэлтээс татгалзаж, хурлыг үргэлжлүүлж байна

УИХ-ын гишүүн асан Д.Эрдэнэбат, Монголбанкны ерөнхийлөгч асан Н.Золжаргал нарын долоон хүнд холбогдох хэргийн шүүх хурал өнөөдөр /2020.08.17/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд 10:00 цагт эхэлсэн. Шүүх хурал үргэлжилж байгаа бөгөөд улсын яллагчийн зүгээс шинжээч оролцуулах хүсэлтийг гаргасан юм. Тэгвэл дөнгөж сая шүүх бүрэлдэхүүн улсын яллагчийн гаргасан хүсэлтийг хүлээж авахаас татгалзлаа. Улмаар шүүх хуралдааныг үргэлжүүлж байна.   

Нийслэлийн прокурорын газраас Д.Эрдэнэбат болон Б.Болор, Н.Золжаргал, Д.Доржханд, Б.Минжбадам, Л.Санжаадорж, Д.Ганбат нарын долоон хүнд холбогдох нийт 188 хавтаст эрүүгийн хэрэгт яллах дүгнэлт үйлдэн, энэ оны дөрөвдүгээр сарын 08-ны өдөр шилжүүлсэн байдаг. Тэднийг “Эрдэнэт үйлдвэр”-ийн 49 хувийг хууль бусаар шилжүүлж, эрх мэдэл, албан тушаалын байдлаа урвуулан ашиглан, бусдад давуу байдал олгосон гэх үндэслэлээр Авлигатай тэмцэх газарт шалгасан байдаг.