Гадаад харилцааны сайд Н.Энхтайван ирэх 7 хоногт ОХУ-д айлчилна

2020 оны 09 сарын 17

Монгол Улсын Гадаад харилцааны сайд Н.Энхтайван ОХУ-ын Гадаад хэргийн сайд С.В.Лавровын урилгаар ирэх долоо хоногт /2020.09 сарын 20-22/ ОХУ-д албан ёсны айлчлал хийнэ. Энэ нь шинэ Засгийн газрын гишүүний анхны гадаад айлчлал юм.

2019 онд ОХУ-ын Ерөнхийлөгч В.Путин Монгол Улсад айлчлах үеэр хоёр улсын төрийн тэргүүн нар “Найрсаг харилцаа, иж бүрэн стратегийн түншлэлийн тухай Монгол Улс, ОХУ-ын хоорондын гэрээ”-нд гарын үсэг зурсан. Гэрээг хоёр улсын Парламент соёрхон баталсан.

Айлчлалын үеэр соёрхон баталсан батламж жуух бичгийг Гадаад харилцааны сайд Н.Энхтайван, ОХУ-ын Гадаад хэргийн сайд С.В.Лавров нар солилцоно. Ингэснээр тус гэрээ хүчин төгөлдөр болох юм.

 

Айлчлалын үеэр манай талаас дараах гол асуудлуудыг ярилцана.

 

  • 2021 онд тохиох Монгол Улс, ОХУ-ын хооронд дипломат харилцаа тогтоосны 100 жилийн ойг хамтран тэмдэглэх төлөвлөгөө боловсруулан, улс төр, худалдаа, эдийн засаг, соёл боловсрол, хүмүүнлэгийн чиглэлээр 30 гаруй арга хэмжээ хэрэгжүүлэх талаар ярилцана
  • Монгол, Оросын худалдааны хэмжээг нэмэгдүүлэх, ялангуяа Монгол Улсын экспортыг нэмэгдүүлэх зорилгоор ОХУ болон Евразийн эдийн засгийн холбоотой хамтын ажиллагаагаа гүнзгийрүүлэх боломжуудын талаар
  • Хийн хоолойн асуудлаар үргэлжлүүлэн ярилцана
  • Дэд бүтцийн салбарын хамтын ажиллагаа, Монгол, Оросын хамтарсан “УБТЗ” хувь нийлүүлсэн нийгэмлэгийн үйл ажиллагааг эрчимжүүлэх, төмөр замын шинэчлэлийн ажлыг эхлүүлэх, энэхүү үйл ажиллагааг санхүүжүүлэх хөрөнгө оруулалтын асудлаар ярилцана
  • Монгол, Оросын хоорондын боловсрол, соёл, хүмүүнлэгийн салбарын хамтын ажиллагааг өргөжүүлэх чиглэлээр хамтран хэрэгжүүлэх арга хэмжээ 
  • Монгол, Орос, Хятадын “Эдийн засгийн коридор байгуулах хөтөлбөр”-т тусгагдсан төслүүдийг урагшлуулах
  • Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын 23 дугаар хуралдааныг энэ онд зохион байгуулах асуудлаар мөн ярилцахаар төлөвлөж байна.

Айлчлалын үеэр болох уулзалтууд:

 

  • ОХУ-ын Гадаад хэргийн сайд С.В.Лавровтой хэлэлцээ хийнэ
  • ОХУ-ын Парламент, Засгийн газрын зарим удирдлагатай уулзалт хийнэ

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zocnin (202.21.108.220)  2020 оны 09 сарын 18

joohon zagnyylj bgad ireh bhda\n

0  |  0
Zochin (109.89.151.254)  2020 оны 09 сарын 17

Chi xyatad saidtai uulzalt xiisen xoriond 2 doloo xonog baix estoi geegyi bil yy ?? Oorsdiinxoo gargasan xorio tseeriin jurmaa bielyylchixeed daraa ni ard tymnees 21 xonog karantilagdaxiig shaardana uu !!!!

1  |  0
Хүү (202.126.88.188)  2020 оны 09 сарын 17

Уут уут мөнгөөр улсаа худалдсан сайдууд гуай

1  |  0
Top