Монгол Улс, ОХУ хоорондын иж бүрэн түншлэлийн гэрээ хүчин төгөлдөр боллоо
Монгол Улсын Гадаад харилцааны сайд Н.Энхтайван ОХУ-ын Гадаад хэргийн сайд С.В.Лавровын урилгаар энэ долоо хоногт /2020.09 сарын 20-22/ ОХУ-д албан ёсны айлчлал хийж байна.
“Найрсаг харилцаа, иж бүрэн стратегийн түншлэлийн тухай Монгол Улс, Оросын Холбооны Улс хоорондын гэрээ”-г соёрхон баталсан Батламж жуух солилцсон тухай протоколд Монгол Улсын Гадаад харилцааны сайд Н.Энхтайван, ОХУ-ын Гадаад хэргийн сайд С.В.Лавров нар өнөөдөр /2020.09.21/ гарын үсэг зурлаа.
2019 оны есдүгээр сарын 03-ны өдөр Улаанбаатар хотноо ОХУ-ын Ерөнхийлөгч В.Путин, Монгол Улсын Ерөннхийлөгч Х.Баттулга нарын “Найрсаг харилцаа, иж бүрэн стратегийн түншлэлийн тухай Монгол Улс, Оросын Холбооны Улс хоорондын гэрээ”-г соёрхон батлах тухай Батламж жуух бичиг солилцсоны протоколд ийнхүү гарын үсэг зурлаа. Ингэснээр тус гэрээ хүчин төгөлдөр боллоо гэдгийг ОХУ-ын Гадаад хэргийн сайд С.В.Лавров мэдээллээ.
Хугацаагүйгээр байгуулсан энэхүү гэрээний дагуу талууд тогтвортой, эрх тэгш, харилцан ашигтай хамтын ажиллагааг бүхий л салбарт өргөжүүлэн хөгжүүлэх нөхцөлийг бүрдүүлж байгаа юм.
Сэтгэгдэл ( 2 )
Энэ Н.Энхтайван Сайд цэвэр Монгол хүн мөн үү ? Монголоор акценттай ярих юм
Joke joke. Оросоор илтгэл чадах хэмжээний хүн саыд болго л доо боловсролгүй Хүрэлсүх ээ чиний боловсролгүй тэндээ л биз