[ШУУД] “Улаанбаатар” кино наадам “Хэвтрийн хүн” киногоор НЭЭЛТЭЭ ХИЙЖ байна
“Улаанбаатар” Олон улсын кино наадам “Хэвтрийн хүн” киногоор НЭЭЛТЭЭ ХИЙЖ байна. Нээлтийн үйл ажиллагааны хэвлэлийн хурал яг одоо /2020.10.19/ "Тэнгис" кино театрт болж байна.
ШУУД ДАМЖУУЛАЛТ
Нийслэлийн Засаг даргын Тамгын газар, нийслэлийн Соёл урлагийн газар, Монголын Урлагийн Зөвлөл (МУЗ) нь Швейцарын Хөгжлийн Агентлаг, Номадиа Пикчерс ХХК-тай хамтран Бүгд Найрамдах Франц Улсын Элчин Сайдын Яам, Австралийн Элчин Сайдын Яам, Итали Улсын Элчин Сайдын Яам, Монгол дахь Гёте Институт, Тайпэйн Худалдаа, Эдийн Засгийн Улаанбаатар дахь Төлөөлөгчийн газрын дэмжлэгтэйгээр Монголын кино урлагийн салбарыг хөгжүүлэх, кино уран бүтээлчдийн олон улсын хамтын ажиллагааг нэмэгдүүлэх, дэлхийн нэр хүндтэй наадмуудад шалгарсан кино бүтээлийг Монголын үзэгчдэд хүргэх зорилготой 12 дахь удаагийн “Улаанбаатар” Олон Улсын кино наадам (УБОУКН)-ыг 2020 оны 10 дугаар сарын 19-25-ны өдрүүдэд Улаанбаатар хотноо зохион байгуулж байна.
“Улаанбаатар” Олон Улсын кино наадмын Ерөнхийлөгчөөр Нийслэлийн Засаг дарга бөгөөд Улаанбаатар хотын Захирагч, уран сайхны удирдагчаар Монгол Улсын Ардын жүжигчин, кино найруулагч Г.Жигжидсүрэн ажиллаж байна.
2020 оны кино наадамд 2019-2020 онд бүтээгдсэн Монгол, Франц, Герман, Иран, Швейцар, Итали, Австрали, Хятад, Тайвань, Япон, Бразил улсын 19 бүрэн хэмжээний уран сайхны киног толилуулахаас гадна кино уран бүтээлчдийн чадавхийг дээшлүүлэх зорилготой “Ирж яваа цаг” кино форум, “Авдраа уудал” найруулагчийн ур чадварын сургалтыг тус тус зохион байгуулна.
Холбоотой мэдээ
Сэтгэгдэл ( 0 )