"Ажнай" Д.Бат-Эрдэнэ Боксын холбооны ерөнхийлөгчийн ажлаа хүлээлгэж өгчээ

Монголын боксын холбооны удирдлагууд өчигдөр /2020.10.28/ хуралдаж, энэ үеэр УИХ-ын гишүүн Д.Бат-Эрдэнэ Монголын Боксын холбооны ерөнхийлөгчийн сонгуульт ажлаа хүлээлгэж өгөх шийдвэр гаргаснаа мэдэгджээ.

Тэрбээр холбооны Ерөнхийлөгчийн ажлыг түр орлон гүйцэтгэх үүргийг Монголын Боксын холбооны тэргүүн дэд ерөнхийлөгч, олимпийн аварга Э.Бадар-Ууганд шилжүүлсэн байна.

Одоо Ерөнхийлөгчийн үүргийг түр орлон гүйцэтгэгч нь Монголын Боксын холбооны Ээлжит бус хурлыг товлох бөгөөд хурлаас холбооны ерөнхийлөгчийг тодруулна.