Тосон хулстайн байгалийн нөөц газар ЮНЕСКО-д бүртгэгдлээ

Тосон хулстайн байгалийн нөөц газрыг ЮНЕСКО-гийн хүн ба шим мандлын нөөц газрын сүлжээнд бүртгэлээ гэж БОАЖЯ-наас мэдээллээ.

ЮНЕСКО-гийн Олон улсын зохицуулах зөвлөлийн Хүн ба шим мандлын хөтөлбөрийн хурал аравдугаар сарын 27, 28-ны өдрүүдэд цахимаар болж 18 орны 25 газрыг ЮНЕСКО-д бүртгэх шийдвэр гаргасан аж. Тэдгээр газрын нэг нь Монгол Улсын Тосон хулстайн байгалийн нөөц газар  юм байна.

Ингэснээр ЮНЕСКО-Хүн ба шим мандлын нөөц газрын сүлжээнд бүртгэгдсэн Монгол орны 7 дахь газар болж байгаа аж.