Чуулган: КОВИД-19-ийн нөхцөл байдлаар мэдээлэл сонсож байна

Өнөөдөр  /2020.11.19/ чуулганы нэгдсэн хуралдаантай. Хурал цахимаар явагдаж байна. 

Хуралдааны эхэнд Коронавирусний халдварын дотоодын нөхцөл байдлын талаар хэлэлцэж байна.  

Цар тахлаас урьдчилан сэргийлэх, тэмцэх чиглэлээр засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар Шадар сайд Я.Содбаатар танилцуулав. 

Тэрбээр дотоодын нийт халдвар өнөөдөр өглөөний байдлаар 65 болсныг хэллээ. 

Өчигдөр буюу 2020.11.18-ны байдлаар Улаанбаатар -15, Сэлэнгэ 23, Дархан-Уул - 8, Говьсүмбэр - 1, нийт 39 тохиолдол бүртгэгдээд байсан энэ тоо өнөөдөр 65 болж нэмэгджээ. Тодруулбал, 
 

• Улаанбаатар - 18
• Сэлэнгэ - 24
• Дархан-Уул - 8
• Дорноговь - 1
• Орхон аймаг - 13
• Говьсүмбэр - 1 тохиолдол бүртгэгдсэн талаар Шадар сайд танилцууллаа.

ЧУУЛГАНААР ХЭЛЭЛЦЭЖ БУЙ БУСАД АСУУДАЛ
 

• Цаг үеийн шинжтэй асуудлаар мэдээлэл;
   
• Монгол Улсын Үндсэн хуулийн цэцийн 2020 оны 09 дүгээр дүгнэлт;
   
• Монгол Улсын Үндсэн хуулийн цэцийн 2020 оны 10 дугаар дүгнэлт;
   
• Монгол Улсын шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Монгол Улсын Ерөнхийлөгч 2020.04.23-ны өдөр өргөн мэдүүлсэн, хэлэлцэх эсэх/;
   
• Шүүгчийн эрх зүйн байдал, сахилга, хариуцлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Монгол Улсын Ерөнхийлөгч 2020.04.23-ны өдөр өргөн мэдүүлсэн, хэлэлцэх эсэх/;
   
• Хуульчийн эрх зүйн байдлын тухай хуулийн шинэчилсэн найруулгын төсөл болон  хамт өргөн мэдүүлсэн хуулийн төслүүд /Монгол Улсын Ерөнхийлөгч 2020.04.23-ны өдөр өргөн мэдүүлсэн, хэлэлцэх эсэх/;
   
• Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2020.03.05-ны өдөр өргөн мэдүүлсэн, анхны хэлэлцүүлэг/;
   
• "Монгол Улсын 2021 оны төсвийн тухай хууль баталсантай холбогдуулан авах арга хэмжээний тухай" Улсын Их Хурлын тогтоолын төсөл;
   
• Монгол Улсын Ерөнхий сайдын мэдээлэл: Зам тээврийн салбарт хэрэгжиж байгаа бүтээн байгуулалтын ажлын явцын талаар.