Ерөнхийлөгчийн зарлигаар Ц.Цогтыг Дээд шүүхийн шүүгчээр томиллоо

З.Тэмлүүн | Zindaa.mn
2020 оны 12 сарын 16

Монгол Улсын Ерөнхийлөгч Х.Баттулга өчигдөр (2020.12.15) зарлиг гаргаж, Цэндийн Цогтыг Улсын дээд шүүхийн шүүгчээр томилжээ.

Ц.Цогт нь 1975 онд Архангай аймгийн Цэцэрлэг суманд төрсөн. 45 настай, эрэгтэй, ам бүл 2.

1983-1993 онд Архангай аймгийн 2 дугаар 10 жилийн дунд сургууль, 1994-1998 онд МУИС-ийн Хууль зүйн сургуульд эрх зүйн бакалавр, 2007 онд АНУ-ын хууль зүйн Уилламетте их сургуулийн Хууль зүйн коллежийг хууль зүйн ухааны магистрын зэрэгтэй төгссөн. 2017 онд Япон Улсын Нагояагийн их сургуульд Хууль зүйн ухааны докторын зэрэг хамгаалсан. Эрх зүйч мэргэжилтэй, хууль зүйн ухааны докторын зэрэгтэй, хуульч цолтой. 

Тэрбээр 1998 онд Сонгинохайрхан дүүргийн шүүхэд шүүх хуралдааны нарийн бичгийн даргаар, 1998-2004 онд Улсын дээд шүүхийн Эрүүгийн хэргийн танхимд нарийн бичгийн дарга, шүүгчийн туслах, ерөнхий шүүгчийн шүүн таслах ажиллагаа эрхэлсэн туслахаар, 2004-2011 онд Нийслэлийн Захиргааны хэргийн шүүхийн шүүгчээр, 2011-2013 онд Захиргааны хэргийн давж заалдах шатны шүүхийн ерөнхий шүүгчээр, 2013 оноос одоог хүртэл Захиргааны хэргийн давж заалдах шатны шүүхийн шүүгчээр ажиллаж байсан. 

Шүүгчээр 16 жил, давж заалдах шатны шүүхийн шүүгчээр есөн жил ажилласан.

2000-2002 онд МУИС-ийн Хууль зүйн сургуульд цагийн багш, 2007-2016 онд тавин хувийн багш, 2018-2019 онд цагийн багш, 2019 оны есдүгээр сараас Нийтийн эрх зүйн тэнхимийн гэрээт дэд профессороор тус тус ажиллаж байсан. 

Улсын дээд шүүхийн шүүгчийн сонгон шалгаруулалтын суурь болон тусгай шалгалтад Шүүхийн мэргэжлийн хорооны нэгдсэн үнэлгээгээр 88.64 оноо авсан. 

 

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.55.188.99)  2020 оны 12 сарын 17

Шүүх шударга ёс тогтоохын илүү мэдээлэлтэй байх ёстой. Үнэн бөгөөд зөв мэдээлэлтэй байхын тулд хэргийн оролцогдыг мэтгэлцүүлэх ёстой. Даанч Ц.Цогт нь хүний үгийг анхааралтай зөв сонсож сураагүй нөхөр дөө!\nЭнэ эргүүгээс зөв шийдвэр гарна гэдэг ёстой лөөлөө шүү дээ!

0  |  0
Шуд (202.179.25.144)  2020 оны 12 сарын 17

Шудрага ёс шүүхийн танхиаас, шүүгчээс эхэлнэ. Цогтын хир эх оронч байхаас энэ эхлэл хамаарна. Амжилт хүсье.

0  |  0
асуулт (64.119.26.3)  2020 оны 12 сарын 16

Цэндийн цогт гэдэг хүнийг зарилаг гаргаж томилж байнаа юм байна гэж ойлголоо. Гэхдээ тодруулж асуух юм байна чухам хэднээс эхэлж үүрэгт ажлаа хийх вэ.? хэднээс эхэлж цалинжуулаыг санхүүдээ заадаггүй юм гэхэд ядаж ажил албандаа хэддийнээс эхлэхийг заачихвал тэр заасан өдрөөс цалин хөлсийг бодож болох юм даа

0  |  0
Bayar hurgey (139.5.219.156)  2020 оны 12 сарын 16

Bayar hurgey. Harvaas shulun shudarga tohiromjtoi hun shig haragdjiin. Hulgaich luivarchingudad zohih yal ni onogdoh boltugai \n

1  |  0
өмгөөлөгч (103.57.95.218)  2020 оны 12 сарын 16

Цогт шүүгчид ажлын амжилт хүсье дээд шүүхийн шүүгчид тохирох хүн гэж хуульч нар хүлээн зөвшөөрдөг шүү

1  |  0
Баяр хүргэе (66.181.182.212)  2020 оны 12 сарын 16

Зангарагтай шударга шүүгч санагдсан. Амжилт

1  |  0
Top