ОХУ-ын Элчин сайдыг хүлээн авч уулзав

Э.Мөнхжин | Zindaa.mn
2021 оны 02 сарын 03

Гадаад харилцааны сайд Б.Батцэцэг ОХУ-аас Монгол Улсад суугаа Элчин сайд И.К.Азизовыг 2021 оны  хоёрдугаар сарын 3-ны өдөр хүлээн авч уулзлаа.

Уулзалтын эхэнд Элчин сайд И.К.Азизов ОХУ-ын Гадаад хэргийн сайд С.В.Лавровоос Монгол Улсын Гадаад харилцааны сайдаар томилогдсонтой нь холбогдуулан Гадаад харилцааны сайд Б.Батцэцэгт илгээсэн баярын илгээлтийг уламжлав.

Уулзалтын үеэр Гадаад харилцааны сайд Б.Батцэцэг, Элчин сайд И.К.Азизов нар Монгол, Оросын иж бүрэн стратегийн түншлэлийн харилцааг гүнзгийрүүлж, шинэ агуулгаар баяжуулахтай холбоотой өргөн хүрээний асуудлаар, түүний дотор энэ жил тохиож буй хоёр орны хооронд дипломат харилцаа тогтоосны 100 жилийн ойг хамтран тэмдэглэх, оны хугацаанд хэрэгжүүлэх дээд, өндөр түвшний айлчлал зэрэг асуудлаар  санал солилцов.

Элчин сайд И.К.Азизов Улаанбаатар дахь Дипломат корпусын ахлагчийн хувиар Гадаад харилцааны сайд Б.Батцэцэгт шинэ албан тушаалд томилогдсонд нь баяр хүргэж, ажлын өндөр амжилт хүсэв гэж ГХЯ-наас мэдээллээ.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хөдөөнийхүн (66.181.160.86)  2021 оны 02 сарын 04

анх уулзаад гуйлга гуйна гэж юу байсан юм.

0  |  0
эгэл (66.181.181.161)  2021 оны 02 сарын 03

чам шиг байнга гуйлга гуйна гэж юу байх вэ

0  |  0
зочин (66.181.180.234)  2021 оны 02 сарын 03

Оросоос вакцин гуйхаа мэддэггүй эргүү тэнэг амьтан юмаа.

0  |  0
Иргэн (66.181.182.135)  2021 оны 02 сарын 03

Гоё мэдээ байна. Амжилт хүсэн ерөөе!

1  |  0
Top