Ж.Эрдэнэбатад оноосон ялыг өөрчлөхөөс татгалзлаа
Сүхбаатар дүүргийн Эрүүгийн хэргийн анхан шатны шүүхэд өмгөөлөгч Д.Батсүх, Б.Баясгалан, Г.Оюунцэцэг нараас ирүүлсэн “Шүүгдэгч Ж.Эрдэнэбатад авсан цагдан хорих таслан сэргийлэх арга хэмжээг өөрчлүүлэх тухай” хүсэлтийг шүүх хоёрдугаар сарын 26-ны өдөр хянаад, уг хүсэлтийг хүлээн авахаас татгалзаж шийдвэрлэв.
Учир нь Монгол Улсын Дээд шүүхийн хяналтын шатны эрүүгийн хэргийн шүүх хуралдаанаас шүүгдэгч Ж.Эрдэнэбат нарын 5 хүнд холбогдох хэргийг шүүгдэгчид болон тэдгээрийн өмгөөлөгч нарын гаргасан гомдлоор хэргийг хянан хэлэлцээд 2021 оны 01 дүгээр сарын 15-ны өдөр 43 дугаартай тогтоолоор анхан болон давж заалдах шатны шүүхийн шийтгэх тогтоол, магадлалыг тус тус хүчингүй болгож, хэргийг прокурорт буцааж, хэргийг прокурорт очтол шүүгдэгч Ж.Эрдэнэбат, Б.Отгонбаатар, Д.Түвшинжаргал нарт авсан цагдан хорих таслан сэргийлэх арга хэмжээг хэвээр үргэлжлүүлэхээр шийдвэрлэжээ.
Эрүүгийн хэрэг хянан шийдвэрлэх тухай хуулийн 40.10 дугаар зүйлийн 1 дэх хэсэгт “...Хяналтын шатны шүүхийн шийдвэр хууль зөрчсөн гэж үзвэл энэ хуулийн 40.1 дүгээр зүйлд заасан этгээд уг шийдвэрийг гардан авснаас хойш 30 хоногийн дотор Улсын Дээд шүүхийн Ерөнхий шүүгчид гомдол гаргаж болно...” гэж заажээ.
Өнөөдрийн байдлаар шүүгдэгч Ж.Эрдэнэбат нарын 5 хүнд холбогдох хэргийг хянан шийдвэрлэсэн Улсын Дээд шүүхийн хяналтын шатны эрүүгийн хэргийн шүүх хуралдааны 2021 оны 01 дүгээр сарын 15-ны өдрийн 43 дугаартай тогтоолд Эрүүгийн хэрэг хянан шийдвэрлэх тухай хуулийн 40.1 дүгээр зүйлд заасан оролцогч нарын зүгээс Улсын Дээд шүүхийн Ерөнхий шүүгчид гомдол гаргах 30 хоногийн хуулийн хугацаа өнгөрөөгүй байгаа нь анхан шатны шүүх таслан сэргийлэх арга хэмжээтэй холбоотой асуудлыг шийдвэрлэх хууль зүйн боломжгүй.
Өөрөөр хэлбэл Улсын Дээд шүүхийн хяналтын шатны эрүүгийн хэргийн шүүх хуралдааны 43 дугаартай тогтоолын тогтоох хэсгийн 2 дугаар заалтад “...Хэргийн прокурорт очтол шүүгдэгч Ж.Эрдэнэбат, Б.Отгонбаатар, Д.Түвшинжаргал нарт урьд авсан цагдан хорих, шүүгдэгч Д.Ганбат, С.Мандахбат нарт урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй...” гэх заалтыг анхан шатны шүүх үгүйсгэх, өөрчлөх, хүчингүй болгох хууль эрх зүйн боломжгүй юм.
Эрүүгийн хэрэг хянан шийдвэрлэх тухай хуулийн 14.13 дугаар зүйлийн 1 дэх хэсэгт “...Прокурор, яллагдагч, түүний хууль ёсны төлөөлөгч, өмгөөлөгч эрүүгийн хэрэг хянан шийдвэрлэх ажиллагааны аль ч үед энэ хуулийн 14.1 дүгээр зүйлийн 1.2, 1.3, 1.5-д заасан таслан сэргийлэх арга хэмжээ авах, өөрчлөх, хүчингүй болгох, хугацаа сунгах санал, хүсэлтийг шүүхэд гаргаж болно...” гэж,
Мөн хуулийн 14.13 дугаар зүйлийн 2 дахь хэсэгт “...Шүүх энэ зүйлийн 1 дэх хэсэгт заасан санал, хүсэлтийг хүлээн авснаас хойш 24 цагийн дотор асуудлыг хэлэлцэх шүүхийн хэлэлцүүлгийн товыг прокурор, өмгөөлөгчид...” мэдэгдэнэ гэж тус тус заасны дагуу шүүх өнөөдрийн шүүхийн хэлэлцүүлгийг явуулсан болно.
Иймд шүүхээс өмгөөлөгч Д.Батсүх, Б.Баясгалан, Г.Оюунцэцэг нараас гаргасан шүүгдэгч Жаргалтулгын Эрдэнэбатад авсан цагдан хорих таслан сэргийлэх арга хэмжээг өөрчлүүлэх тухай хүсэлтийг хангахаас татгалзаж шийдвэрлэсэн.
Уг захирамжийг эс зөвшөөрвөл тус шүүхийн Ерөнхий шүүгчид гомдол гаргах эрхтэй байна.
Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар
Холбоотой мэдээ
Сэтгэгдэл ( 10 )
Сайн уу, хатагтай, ноёнтоон\nQ танд зээл хэрэгтэй бол имэйлээр холбогдоорой: matildalecoustre@gmail.com\nWathsapp: 0033 7 55 02 55 59
Хэн нэг эх оронгүй хүмүүсийн асуудлыг Монгол улс шийдэх гээд байдаг нь хүмүүнлэгиын асуудал юм байх даа. Төрийн эрх мэдэлд хүрч төсвөөс хулгай хийсэн бүх хүмүүс эх оронгүй хүмүүс байдаг.
ХУУЛЬ зөрчсөн гэж шүүх нь үзсэн хэрнээ тавьж хариулахгүй байгаа нь юуны учир вэ, бурхан минь хамгаалалт сайн байлгаарай одоо ёстой хууль шүүхэд итгэх арга алга, яагаад л энэ хүнийг хүчээр хорьж цаг аваад байна вэ
Шүүгч нар эзнийхээ даалгаврыг гүйцэтгэж байгаа бололтой, улс төрийн тэмцэл ширүүсэж дунд нь ж.эрдэнбат тэргүүтэн ихээхэн хэлмэгдэж зовох бололтой, эзнийг ч гэсэн ийм л тавилан хүлээж байгааг өөрөө мэдэхийн дээдээр мэдэж айж сандрахын дээдээр сандарч байгаа, өвс ч байсан зуураад барьцаалаад байхаа тэр сайн мэднэ, хэлмэгдүүлэлт хийсэн хүмүүс өөрсдөө 2 р эгнээнд устгагддаг нь жам юм.
ИХ ХУРАЛДАА СУУНА ГЭСЭН .ЯАНАА ОДОО.
\nГэмгүй нь гэсгээгдэж гэмтэн нь тарвалздаг хорвоо юмдаа!? Ер нь төрийн хүмүүсийн алдаа багаддагүй юм гэдгийг ойлгосон эх орончид л төрийн толгойд байвал зүгээр юмдаа!?
\nГэмгүй нь гэсгээгдэж гэмтэн нь тарвалздаг хорвоо юмдаа!? Ер нь төрийн хүмүүсийн алдаа багаддагүй юм гэдгийг ойлгосон эх орончид л төрийн толгойд байвал зүгээр юмдаа!?
\nГэмгүй нь гэсгээгдэж гэмтэн нь тарвалздаг хорвоо юмдаа!? Ер нь төрийн хүмүүсийн алдаа багаддагүй юм гэдгийг ойлгосон эх орончид л төрийн толгойд байвал зүгээр юмдаа!?
хулгайч луйварчинг өмгөөлнө гэхээр ойлгохгүй юм уг нь бол алчихмаар л юм
өмгөөлөгч нарын хуулийн мэдлэг маруухан байна