Б.Болд, Х.Мөнгөнцэцэг нар "Малчдаа мартах учиргүй" аян эхлүүлжээ

Дуучин Б.Болд, Х.Мөнгөнцэцэг нар өөрсдөө санаачлан "Малчдаа мартах учиргүй" хандивын аяныг зохион байгуулж байна.

Энэхүү аян нь саяхан Дундговь аймагт болсон гамшгийн улмаас эд хөрөнгө, сэтгэл санаагаараа хохирсон малчдад туслах зорилготой аж.

Тэд фэйсбүүк, твиттерээр халаглаж суухаасаа илүүтэй газар дээр нь очиж, малчидтай уулзан, нөхцөл байдлыг бодитоор харуулах үүднээс Дундговь аймгийг зорьж, гамшигт өртсөн 7-8 сумаас нэвтрүүлэг бэлтгэжээ.
 

Аяны хүрээнд "Малчдаа мартах учиргүй" тоглолт зохион байгуулна. Уг тоглолт энэ сарын 7, 8-нд Unilive 88, Ddish 900 сувгаар 20:00 цагаас гарах аж. Тоглолтоос олсон орлогыг гамшигт өртсөн малчдад зориулах юм байна. 

Тэдний Дундговь аймгаас бэлтгэсэн нэвтрүүлгийг хүлээн авч үзнэ үү.