ЭМЯ-ны буруугаас болж 106 сая төгрөгийн PCR-ын урвалжийг устгалд оруулсан уу!
“Ковид 19” цар тахалтай тэмцэхийн тулд Монгол Улс дор бүрнээ хичээж байна. Гэвч хичээл зүтгэлийн хажуугаар хайхрамжгүй, хариуцлагагүй хүмүүсийн буруутай үйлдлээс болж улс хохирох асуудлууд гарсаар байгаа юм.
Тухайлбал, орон нутагт цар тахлын дэгдэлт нэмэгдэж буйтай холбоотойгоор зарим аймгуудад PCR шинжилгээний аппараттай болгосон. Энэ хүрээнд дагалдаж ирсэн нэг бүр нь 12.5 ам.долларын үнэтэй нийт 106 сая төгрөгийн өртөг бүхий 3000 ширхэг PCR шинжилгээний урвалж бодисыг гуравдугаар сарын эхээр Эрүүл мэндийн яамнаас Увс аймагт илгээсэн байна. Гэвч хэрхэн хадгалах, ашиглах талаар Эрүүл мэндийн яамнаас ямар нэгэн зөвлөмжийг хүргүүлээгүй аж. Увс аймгийн Нэгдсэн эмнэлэгт нь урвалжийг хүлээж авах эм зүйн мэргэжлийн хүн байгаагүйн улмаас 106 сая төгрөгийн хохирол учраад байгаа юм. Учир нь тухайн үед аймгийн эмнэлгийн эмч, сувилагч нар Улаанбаатар хотод сургалтад сууж таарсан тул эмнэлгийн нярав урвалжийг хүлээн авахдаа -2 хэмийн агуулахад бус авто машины дулаан зогсоолд хадгалжээ. Хадгалалтын горим алдагдсаныг 10 хоногийн дараа мэдсэн гэнэ. Гол нь Эрүүл мэндийн яамнаас ямар нэгэн хадгалалтын горим, зөвлөмжийг хамтад нь ирүүлээгүй гэж байгаа аж.
Тус аймаг 3000 ширхэг PCR шинжилгээний урвалжаа ашиглаж чадахааргүй болсон тул Архангай аймгаас 200 ширхэг урвалж аван шинжилгээ авч байгаа юм байна. Цар тахлын үед улсад учруулсан 106 сая төгрөгийн хохирлыг хэн барагдуулах нь тодорхойгүй байгаа бөгөөд Мэргэжлийн хяналтын ерөнхий газраас шалгалтын ажил явуулж байгаа гэдгийг эх сурвалж мэдээллээ. Иргэдийн эрүүл мэндийг эрсдэлд оруулсан ноцтой үйлдэлд зөвлөмжөө илгээгээгүй Эрүүл мэндийн яам хариуцлага хүлээх үү, илгээсэн урвалжийг зориулалтын бус газар хадгалсан Увс аймгийн Эрүүл мэндийн нэгдлийнхэн хариуцлага хүлээх үү гэдэг нь тодорхой бус байгаа юм. Тус аймгийн Нэгдсэн эмнэлгийн даргаар аймгийн ИТХ-ын дарга Ц.Батболдын хүн гэгдэх О.Одбаяр ажилладаг бол дэд даргаар нь мөн түүний хувийн эмнэлэгт ажиллаж байсан эмч н.Алимаа ажилладаг юм байна.
Эх сурвалж: ӨГЛӨӨНИЙ СОНИН
(51)(11).png)
Холбоотой мэдээ
Сэтгэгдэл ( 15 )
Zaavar zuvlumj uguh tiim hetsuu yu nerav avaad baidaga be sonin bna eruul mendiin gazar emch Emnelgiin darga ene ter geed manuuhainuud zunduu baigaa bizdee
ЭМЯ-ны буруу ,ямар ч юманд заавар дагалддаг биз дэ
Наад эмнэлгийн удирдлагуудаар нь хувааж төлүүл.
Тэнэг новшнууд юм даа хаа хаанаа ажилын хариуцлага байхгүй сэтгэлгүй чөтгөрүүд олширчээ ажил хийсэн нэртэй улсаас цалин авч байж ичэхээ байсан чөтгөрүүд
Ийм нөхдүүд бидний зовж олсон мөнгийг татвар нэрээр авч байгаад дураараа үрж байгаа юм даа
hariutslag toots ugsun avsand n mun avsan gazariin emch nar gej huduu baidaggui um bn gej oilogloo
Eruul mendiin yamniikhan aimaar setgelgui... Uranchimeg bn.. Aima hicheesen....
Дарга голлодог орны зовлон энэ. Их л сайндаа малаа маллаж мэддэг нөхдийг даргаар томилсноор ийм асуудал өрнөдөг. Энэ бол бүр бага хэрэг. Тэр хүлээж авч байгаа аймгийн эрүүл мэндийн байгууллага ч мөн хөөрхийлөлтэй байна аа?
Бүгдэд нь хариуцлага тооцож улсыг хохиролгүй болгоно.
Хадгалалтын горим интрийг нь нэхээд авч чаддаггүй юм байхдаа хөдөөнийхөөн толгойгоо ажлуул орчин үед суралц
эмя буруу лдаа өгөхдөө зааврыг нь хэлж өгөх ёстой бсан өдөр бүр тв гр мэдээ хэлэхдээ уралдаад яриад бга харагддаг өчнөөн л хүн бгаа тэр амбасэлмаа нараа хоёр байгальмаа энхболд өөр юу юуч билэ эбаахан хүн харагддаг биздээ
Ямар нөхцөлд хадгалах юм бэ гээд асуучиж болдоггүй юм уу оркууд шууд буруутай
ЭМЯ ны ажил хариуцсан хун буруутай
Эрүүгийн хэрэг үүсгэн шалгаж буруутай этгээдээр нөхөн төлүүлж улсыг хохирролгүй болго нь нэн зохистой болов уу хэдэн төгрөгөө гарын салаагаар хаяад байж болохгүй хайран ч мөнгө
Эмя-ны буруу гэж юу байхав дээ. Хариуцсан ажилдаа сэтгэлгүй хүмүүсийн буруу ш дээ. Мэдээлэл технологи хөгжөөд байхад интэрнэтээс ч гэсэн зааврыг нь хайгаад үзчих сэтгэл алга уу