Энхийг сахиулах ажиллагааны талаар санал солилцлоо

БНӨСУ-д явагдаж байгаа НҮБ-ын энхийг сахиулах ажиллагааны “Жуба” секторын командлагч, хурандаа Б.Эрдэнэбат нарын албаны хүмүүс иргэн цэргийн харилцааг бэхжүүлэх ажлын хүрээнд Жуба хотын Мунуки захын ойролцоо явагдсан орон нутгийн иргэдэд цэвэр ус түгээх ажилд биечлэн оролцлоо.

Тус хүмүүнлэгийн ажиллагааг Руанда улсын III батальоны цэргийн багаас зохион байгуулсан бөгөөд нутгийн удирдлага, иргэдийн талархлыг хүлээж чадсан юм. Мөн НҮБ-ын энхийг дэмжих ажиллагааны Хүчний штабын даргын албан үүргийг түр орлон гүйцэтгэгч, хүчний штабын ажиллагааны ахлах офицер, Руанда Улсын Зэвсэгт хүчний хурандаа Чансе Ндагано “Жуба” бүсийн штабт зочиллоо.

Энэ үеэр хурандаа Б.Эрдэнэбат БНӨСУ-д явагдаж буй энхийг сахиулах ажиллагааны талаар ярилцаж, туршлага солилцлоо.