"TOKYO 2020" олимпын наадмыг Монголын 13 телевиз шууд дамжуулна

Автор | Zindaa.mn
2021 оны 04 сарын 15

Цар тахлын улмаас нэг жил хойшлогдсон "Токио 2020" зуны олимпын наадмыг Монгол Улсын өргөн нэвтрүүлгийн 13 телевиз хамтран албан ёсны онцгой эрхтэйгээр шууд дамжуулан хүргэхээр боллоо.

Өмнө нь Монголын телевизүүд зуны олимпын наадмыг хоёр удаа, тухайлбал, 2008 болон 2012 онд хамтран дамжуулж байсан түүхтэй. Хамтран ажилласны гол ололт нь олимпын бүхий л спортын төрлийн тэмцээн, уралдааныг олон сувгаар цаг алдалгүй шууд дамжуулах, телевиз үзэгчдэд дуртай спортоо мэргэжлийн тайлбартайгаар үзэх сонголт өгсөн явдал байсан юм. Үр өгөөжтэй энэхүү хамтын ажиллагааны туршлага дээр үндэслэн "Токио 2020" зуны олимпын XXXII наадмын шууд дамжуулах албан ёсны онцгой эрхийг 13 телевиз хамтран авч, олимпын наадмыг үзэгчдийн хүртэл болгохоор нэгдэн ажиллаж байна. 

Телевизүүд нэгдсэн бодлого төлөвлөгөө, маркетинг, техник технологи болон хүний нөөц бүрдүүлэн ажиллах бөгөөд энэ хүрээнд телевизүүд олимпын наадам угтсан нэвтрүүлэг, мэдээ мэдээлэл, спорт танин мэдэхүйн контентууд бэлтгэж, 13 телевизийн эфир болон мэдээллийн бусад хэрэгслээр жигд түгээх юм.

Олимпын наадмын үеэр Токио хотноо 4 сурвалжлах баг ажиллаж, Монголын тамирчдын мэдээлэл, олимпын наадмын эргэн тойронд болж буй үйл явдлыг шуурхай хүргэхээр бэлтгэлээ хангаж байна.

Олон сувгийн сонголт нь үзэгчдэд нэгэн зэрэг 13 өөр спортын төрлийн тэмцээн үзэх боломж нээх ба Олимпизм, спортыг орон даяар түгээн дэлгэрүүлэхэд том түлхэц болох юм.

Дуу, дүрсний өндөр чанар, мэргэжлийн тайлбар, хамгийн олон спортын төрөл үзүүлэх, хамгийн олон телевиз нэгдэн дамжуулах олимпын наадам эхлэхэд 99 хоног үлдлээ.

United by Emotion

C1, EAGLE NEWS TV, EDU TV, ETV, NTV, SBN, STAR TV, TM TV, TV5, TV8, TV9, UBS, VTV

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (149.161.136.79)  2021 оны 04 сарын 16

Хөөх цэнгүүн наадаид бүгд сар, аяаяаа. Энэ их олон тв ээр яадгийн нэг сайн л байхад хангалтттай тэгээд улс орны эрх ашгийн төлөө үнэн зөв нэвтрүүлдэг нь хжп бол

0  |  0
ДАШ (66.181.181.14)  2021 оны 04 сарын 15

”ЗИНДАА”-ГИЙН ХАМТ ОЛОНД МАШ ИХ БАЯРЛАДАГ. ЭНЭ ОЛОН ЮМНААС ГАНЦ ТА НАР СПОРТЫН МЭДЭЭГ ДОР НЬ ӨГЧ БИДНИЙГЭЭ БАЯРЛУУЛАХ ЮМ. АМЖИЛТ ХҮСЬЕ.

0  |  0
олимп худлаа (202.9.47.36)  2021 оны 04 сарын 15

Олимпыг бараг цуцалж бгаа юм шиг бна. япончууд өөрсдөө маш дургүй бна, дээр нь вакцинжуулалт маш хойрго явагдаж бгаа гэнэ. өчигдрийн байдлаар хүн амын 0,9 хувь нь вакцинд хамрагдсан бна.

0  |  0
Мөнхжаргал (66.181.189.227)  2021 оны 04 сарын 15

МҮОНТВ яасан бэ? 2016 он шигээ юм болох нь ээ.

0  |  0
Зочин (192.82.72.30)  2021 оны 04 сарын 15

Олимп нь цуцлагдчихгуй л бол, харж л байя даа, урд нь ч хэд хэдэн тв зэрэг дамжуулж л байсан, бугд л адилхан бех, бокс тедийхнийг тойроод л эргэлдээд байдаг байсан даа

0  |  0
ДАШ (66.181.181.14)  2021 оны 04 сарын 15

АЛБАН ЁСНЫ ”ОНЦГОЙ” ЭРХ ГЭЖ ЯМАР ЭРХ БАЙДАГ ЮМ ВЭ?

1  |  0
ДАШ (66.181.181.14)  2021 оны 04 сарын 15

САЙХАН Л МЭДЭЭ БАЙНА. МАНАЙХААС ӨӨР ЯМАР ОРОН ИНГЭЖ 10 ГАРУЙ ТЕЛЕВИЗЭЭР НЭВТРҮҮЛЖ БАЙГАА ЮМ БОЛ ОО? ЭНЭ АЛБАН ЁСНЫ ”ОНЦГОЙ” ЭРХТЭЙ ГЭЖ БИЧИЖ, ЯРИХ ЮМ. АЛБАН ЁСНЫ ЭРХ ГЭЖ БАЙДАГ БАЙХ, ”ОНЦГОЙ” ГЭХЛЭЭРЭЭ ЯАДАГ ЮМ БОЛ ДОО? МЭДДЭГ ХҮН БАЙВАЛ ХЭЛЖ ӨГЧ ТУСЛААЧ.

1  |  0
Top