Монголд архины хордлогын улмаас 299 хүн нас баржээ

Согтууруулах ундаатай холбоотой зарим статистик мэдээллийг хүргэе.

Дэлхийн хэмжээнд жил бүр 3 сая хүн согтууруулах ундаа хэтрүүлэн хэрэглэсний улмаас нас бардаг байна. Эдгээрийн 4 хүн тутмын 3 нь эрэгтэй байна.

Монгол Улсад архины хурц болон архаг хордлогын улмаас 2020 онд 299 хүн нас баржээ.

2020 оны эхний 8 сарын байдлаар согтуугаар үйлдэгдсэн гэмт хэрэг 2910 бүртгэгдсэн нь өмнөх оны мөн үеэс 14.5 хувиар өссөн байна.

Согтуугаар үйлдэгдсэн гэмт хэргийн 52.2 хувь нь 22:00-06:00 цаг буюу шөнийн цагаар үйлдэгджээ.

Нийт гэмт хэргийн 16.2 хувийг согтуугаар үйлдсэн гэмт хэрэг эзэлж байна.

2020 оны эхний 8 сарын байдлаар гэр бүлийн хүчирхийллийн нийт хэргийн 53.3% нь согтуугаар үйлдэгдсэн байна.

Архины хэрэглээнээс үүдэн эрт нас барах, тахир дутуу болох шалтгаан болдог байна. Согтууруулах ундааны хэт их хэрэглээ нь 200 гаруй өвчин, гэмтлийн шалтгаант хүчин зүйл болдог аж.

20-39 насныхны нас баралтын шалтгааны 13.5% нь архины хамаарлаас болсон байдаг.

Монгол Улсад нийтдээ архи, согтууруулах ундааны 44 үйлдвэртэй ба согтууруулах ундаа борлуулах, үйлчлэх цэг 5000 орчим байна.

Манай улс 2019 оны байдлаар 1 хүнд ноогдох архи, дарсны хэмжээ 8.5 литр, шар айрагны хэмжээ 28.8 литр болж, 1 хүнд ноогдох архины хэрэглээгээр Ази тивд 4-т ордог аж.