ДАРХАН-УУЛ: 51 зөрчил илрүүлжээ

Дархан-Уул аймгийн Мэргэжлийн хяналтын газраас өчигдөр /2021.05.05/ 58 объектод хяналт тавьж шалгажээ.

Аймгийн Мэргэжлийн хяналтын газраас Оргил худалдааны төв, Дархан их дэлгүүр, 39 хүнсний дэлгүүр, барилгын материалын 7 дэлгүүр, 2 эмийн сан, 1 шатахуун түгээх станц, барилга угсралтын 3 аж ахуй нэгж, 4 тусгаарлах байр зэрэг нийт 58 объект, 13 худалдаа эрхлэгчийн халдвар хамгааллын дэглэмд хяналт хийжээ.

Хяналтаар 51 зөрчил илрүүлж, 9 зөрчлийг газар дээр нь арилгуулсан байна.  Аймгийн Онцгой комиссын 2021 оны 56 дугаар хуралдаанаар өгсөн үүргийн дагуу үйл ажиллагаагаа хэвийн явуулж буй аж ахуй нэгж байгууллагуудын халдваргүйтгэлд хяналт тавин ажиллаж байна.