Монгол цэргүүд Улаан-Үүд хотод цэргийн ёслолын жагсаалаар алхана

2021 оны 05 сарын 07

Аугаа их Эх орны дайны ялалтын 76 жилийн ойн удахгүй тохионо. Түүхт ойг тохиолдуулан Монгол Улсын Зэвсэгт хүчний Жанжин, ОХУ-ын Дорнод цэргийн тойргийн хамтын ажиллагааны хүрээнд Монгол Улсын Зэвсэгт хүчний бүрэлдэхүүн ОХУ-ын Бүгд Найрамдах Буриад улсын нийслэл Улаан-Үүд хотод зохион байгуулагдах цэргийн ёслолын жагсаалд оролцохоор ОХУ-ыг зорьсон юм.

Тодруулбал, Зэвсэгт хүчний Тусгай хүчний цэргийн штабын дарга, бригадын генерал Л.Гансэлэмээр ахлуулсан Монгол Улсын Зэвсэгт хүчний 75 цэргийн алба хаагч өнөөдрөөс /2021.05.07/ Улаан-Үүд хотод нэгдсэн бэлтгэлдээ ороод байна. Цэргийн ёслолын жагсаал 5 дугаар сарын 9-ний өдөр явагдана.

Монгол Улсын Зэвсэгт хүчний хувьд 2015, 2020 онуудад буюу Аугаа  их Эх орны дайны ялалтын 70, 75 жилийн ойн цэргийн ёслолын жагсаалд оролцож, ОХУ-ын Москва хотын төв талбайд монгол цэргийн сүр хүч, цог золбоог олон улсад сурталчлан таниулж чадсан билээ.

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
аа (172.69.252.142)  2021 оны 05 сарын 08

Ялалтын баярт оролцох нь зөв. Монголчууд Аугаа эх орны дайны ялалтанд хувь нэмэр оруулсан гэдгийг Оросууд, оросын ирээдүй залуу үе мэдэж байг ядахдаа ш дээ

2  |  0
зочин (103.22.201.134)  2021 оны 05 сарын 07

ажилгүй генералууд аа бага тэнэгтээрэй

0  |  0
Зочин (172.69.135.226)  2021 оны 05 сарын 07

Ямар сонин юм бэ!!! Ийм их корона тарчихсан байхад, юуны чинь жагсаал бэ!! Хайран залуу цэрэгүүд оросоос корона авч ирэхнээ, маш түргэн зогсоо, хэн ийм мулгуу шийдвэр гаргадаг бнаа!!!

0  |  0
gahtomor (172.69.252.142)  2021 оны 05 сарын 07

koroha!

0  |  0
! (172.69.252.134)  2021 оны 05 сарын 07

koroha !

0  |  0
Top