Усанд осолдсон хүүхдийн цогцос модонд тээглэсэн байжээ

2021 оны 05 сарын 20

Усанд унаж, осолдсон хүүхдийн цогцсыг олж холбогдох байгууллагад хүлээлгэн өглөө.

Баянзүрх дүүргийн 20 дугаар хорооны нутаг дэвсгэр, Хоохойн ам гэдэг газар Туул голд 2021 оны тавдугаар сарын 17-ны өдөр осолдсон хүүхдийн цогцсыг Аврах ангийн эрэн хайх, аврах бүлгийн алба хаагчид өчигдөр /2021.05.19/ 18:48 цагт оллоо.

Цогцсыг осолдсон газраас 13 км-ын зайд Бөөгийн бууц гэдэг газарт голын усанд модонд тээглэсэн байдалтай байсныг гаргаж, БЗД-ийн Цагдаагийн 3 дугаар хэлтэст хүлээлгэж өглөө гэж нийслэлийн Онцгой байдлын газраас мэдээллээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top