А.Цэгмэд Монгол Улсын Гавьяат Жүжигчин боллоо

Монголын тайз, дэлгэцийн урлагт олон жил хүчин зүтгэж, үзэгч түмний хүндлэлийг хүлээсэн  жүжигчин А.Цэгмэдийг  Монгол Улсын Ерөнхийлөгч Х.Баттулга Гавьяат жүжигчин цолоор шагналаа.

“Жүжигчин мэргэжил бол төгсгөл үгүй сайхан мэргэжил” хэмээн ярих тэрбээр  “Мартагдсан дууль”,  “Өндөр ээж”,  "Их замын тоос", "Нийслэл хүүхэн" зэрэг ард түмний сэтгэлд хоногшсон хуучны бүтээлүүдэд тоглосноос гадна сүүлийн үеийн дэлгэцийн бүтээлүүд болох “Улаан дөрвөлжин’, “Ану хатан” зэрэг олон кинонд тоглож, залуустаа үлгэрлэсээр яваа билээ.