Монголын боксчид Азийн аваргын алтан медаль хүртлээ

Автор | Zindaa.mn
2021 оны 05 сарын 31

Арабын Нэгдсэн Эмират улсын Дубай хотноо 2021 оны сонирхогчдын боксын Азийн аварга шалгаруулах тэмцээн амжилттай зохион байгуулагдаж өндөрлөлөө.

Өнөөдөр тэмцээний эрэгтэйчүүдийн жин тус бүрийн аваргын тулаанууд явагдаж, манай улсаас 56 кг-д Зэвсэгт хүчний “Алдар” спорт хорооны тамирчин, Универсиад наадмын аварга 2019 оны Азийн аваргын хүрэл медальт ОУХМ Хархүүгийн Энх-Амар, “Екатринбург-2019” дэлхийн аварга, “Жакарта-2018” Азийн наадам болон “Бангкок-2019” Азийн аварга Узбекистаны Миразизбек Мирзахалиловтой учраа таарч 3:2-оор ялснаар алтан медаль хүртлээ.

Узбекистаны боксчинд  өмнө нь манай Х.Энх-Амарыг Жакартагийн Азийн наадамд ялж байсан бол 2019 оны ДАШТ-д Э.Цэндбаатарыг хагас шигшээд ялж, түрүүлэх замаа засч байв. Энэ удаад манай Х.Энх-Амар эхний үед 3:2-оор хожигдож байсан ч сүүлийн хоёр үед илүү байснаар тивийн аваргад анх удаагаа түрүүллээ.

Харин түүний дараа 60 кг-ын жинд “Ажнай” корпорацийн тамирчин ДАШТ-ий хүрэл медальт Эрдэнэбатын Цэндбаатар “Токио-2020” олимпийн эрх аваад байгаа Ираны Данияал Шахбахштай финалд учраа таарч 5:0-ээр илт давуу ялалт байгууллаа. Ингэснээр тэрбээр Азийн аварга шалгаруулах тэмцээний хошой аварга болж байна.

Түүнчлэн 64 кг-д “Алдар” спорт хороо, “Капитрон” банкны тамирчин ОУХМ Баатарсүхийн Чинзориг алтан медаль хүртснээр манай финалд шалгарсан гурван тамирчин бүгд алтан медаль хүртлээ. Азийн наадмын мөнгөн медальт, ОУХМ Баатарсүхийн Чинзориг аваргын төлөө ДАШТ-ий хүрэл медальт, Азийн аваргын иж бүрэн медальтай Энэтхэгийн Шива Тапатай тулалдаж 3:2-оор ялалт байгууллаа. Ингэснээр Б.Чинзориг тивийн АШТ-ий алт, мөнгө, хүрэл медальтан боллоо. Тэрбээр өмнө нь 2017 онд мөнгө, 2019 онд хүрэл медаль хүртээд байлаа. Тэмцээний аваргын төлөөх тулаануудыг дараах линкнээс үзнэ үү.

https://www.youtube.com/watch?v=ESuQbQhOxJg


Мөн энэ удаагийн Азийн аваргаас эрэгтэй 49 кг-д Охонтунгалагын Өнөболд, 69 кг-д Баттөмөрийн Мишээлт, эмэгтэйчүүдийн 51 кг-д Лутсайханы Алтанцэцэг, 54 кг-д Эрдэнэдалайгийн Мичидмаа, 75 кг-д Мөнхбатын Мягмаржаргал нар хүрэл медаль хүртлээ.

Монголын үндэсний олимпын хороо

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Од (183.177.100.4)  2021 оны 06 сарын 02

Гайхалтай бүгдээрээ Олимпын аварга болоорой

0  |  0
Enkhbat (202.126.88.72)  2021 оны 06 сарын 02

Baharhaltai saihan bn

0  |  1
zochin (139.5.218.61)  2021 оны 06 сарын 01

Tsendbaatar har tamhi tatsaar bgd huchtei bolj. Ovol gudmasr t1 ym shig har tamhi tatchihaad nutsgen orilood yvaad bn t1 har tamhichin mon bizdee.

0  |  0
sain bainaa. (202.131.225.197)  2021 оны 06 сарын 01

mash sain bainaa.deer shagnaliin san ondortoi temtseen ch de.. alt avbal 10000 dollar sh de..

0  |  0
Өгхб (202.21.108.143)  2021 оны 06 сарын 03

Айлын хүүхдүүдийг зөөлөн зовоорой манайхан

2  |  0
Top