ТАНИЛЦ: Түрээсийн дугуйг хянах Bluetooth-тэй зогсоол нэвтрүүлжээ

Сүүлийн жилүүдэд Хятад улсын олон хотод түрээсийн дугуйны үйлчилгээ нэвтэрсэн нь хүмүүсийн ажил амьдралд тус нэмрээ үзүүлсээр иржээ. Гэсэн гэдий ч зарим хүмүүс түрээсийн дугуйг унаж хаа ч хамаагүй орхисоор ирсэн нь асуудал дагуулсаар юм.

Харин энэ асуудлыг шийдэх нэгэн аргыг Фүжөү хотын түрээсийн дугуйны компани нэвтрүүлжээ.

Энэ сарын 1-ний байдлаар тус хот түрээсийн дугуйны 32 зогсоолдоо Bluetooth-ээр хянах төхөөрөмж угсарчээ. Унаж ирсэн дугуйны түгжээ мөнөөх төхөөрөмжөөс цацруулах Bluetooth долгионтой орчинд автоматаар түгжигдэх ба төлбөр тооцоо хийгдэнэ.

Хэрэглэгч Bluetooth долгионгүй орчинд дугуйг түгжиж болох ч төлбөр үргэлжилсээр байх ажээ.

Энэхүү технологи нь Бэйдөү хиймэл дагуулын тусламжтайгаар Bluetooth-ын байршлыг өндөр наривчлалтай мэдрэх аж. Тэдгээр зогсоол нь түрээсийн унадаг дугуйг дуртай газраа орхидог хэвшлийг засах боломжийг олгож байгаа юм.