"Ододтой бүжиглэе” шоуны 2021 оны ОРОН ОРНЫ ЯЛАГЧИД

Дэлхийн хэмжээний “Ододтой бүжиглэе” шоуны эхний улирлын ялагчид өчигдөр /2021.06.06/ тодорлоо. Эхний улирлын ялагчаар холимог тулааны тамирчин Б.Баттөр, бүжигчин Б.Халиун нар тодорч, шагналын 50 сая төгрөгөө НҮБ-ын Хүүхдийн санд хандивлахаа зарласан юм.

Гурван сар гаруйн хугацаанд үргэлжилсэн “Ододтой бүжиглэе” шоу нэвтрүүлгийн сүүлийн шатанд мисс, жүжигчин Ц.Аззаяа, бүжигчин Н.Отгонжаргал, жүжигчин Т.Бадамжав, Б.Алтанхөлөг, тулаанч Б.Баттөр, бүжигчин Б.Халиун, рэпер Н.Цэцэнбилэг, бүжигчин Б.Золжаргал нар шалгарч үлдэн, ялагчийн төлөө өрсөлдсөн билээ.

Тэгвэл энэ жил дэлхийн аль, аль улсад “Ододтой бүжиглэе” шоуг хийж, ялагчаар нь ямар од тодорсныг, хэрхэн бүжиглэснийг харцгаая.

ОХУ: ЯЛАГЧ СЕРГЕЙ ЛАЗАРЕВ, ЕКАТЕРИНА ОСИПОВА
 

Хойд хөрш ОХУ энэ жил “Ододтой бүжиглэе” шоуны 12 дахь улирлыг хийж, ялагчаар нь дуучин Сергей Лазарев, бүжигчин Екатерина Осипова нар шалгарчээ.
 

Хоёрдугаар байрыг рэпер DAVA буюу Давид Манукян, бүжигчин Дарья Палей нар эзэлсэн бол гуравдугаар байрыг “Бригада” киноны Саша Беловын эхнэрийн дүрийг бүтээснээр нь бидний сайн мэдэх жүжигчин Екатерина Гусева, бүжигчин Евгений Папунаишвили нар эзэлжээ.
 

Оросын “Ододтой бүжиглэе” шоуны үзэгчдийн сэтгэлд нийцсэн хосоор рэпер DAVA болон бүжигчин Дарья Палей нар тодорчээ.

АВСТРАЛИ: ЯЛАГЧ ЛЮК ЯКОБЗ, ЖОРЖА ФРИМАН
 

Тэгвэл Австралид энэ жил болсон “Ододтой бүжиглэе” шоуны 18 дахь улирлыг бүх оддын дунд хийж, ялагчаар жүжигчин, телевизийн хөтлөгч Люк Жэкбз, бүжигчин Жоржа Фриман нар шалгарчээ.
 

Шведийн 2021 оны “Ододтой бүжиглэе” шоуны ялагчаар фото модель Филип Лампрехт, бүжигчин Линн Хегдал нар шалгарчээ.
 

 

МОНГОЛ УЛС: ЯЛАГЧ Б.БАТТӨР, Б.ХАЛИУН

 

 

“Ододтой бүжиглэе” шоу энэ жил мөн АНУ, Румын, Аргентин, Дани, Герман, Грек, Польш улсад болно.