Авлигын гэмт хэрэг жилийн өмнөхөөс ГУРВААР буурчээ

Авлигатай тэмцэх газрын Мөрдөн шалгах хэлтэст 2021 оны эхний хагас жилд авлигын 181 хэрэг бүртгэгдсэн  нь өмнөх оны мөн үеэс гурваар  буурчээ. Авлигын  гэмт  хэрэг өмнөх оны мөн үеэс буурахад хахууль өгөх гэмт хэрэг зургаагаар, үндэслэлгүйгээр хөрөнгөжих  гэмт  хэрэг долоогоор буурсан нь  нөлөөлжээ.

Харин  2021 оны  зургаадугаар сард  37 авлигын  хэрэг бүртгэгдсэн нь өмнөх сараас 12-оор өссөн байна. Бүртгэгдсэн авлигын  хэрэг өмнөх сараас өсөхөд эрх мэдэл, албан тушаалын байдлаа урвуулан ашиглах гэмт хэрэг долоогоор, хахууль   авах  гэмт хэрэг зургаагаар, хахууль өгөх гэмт хэрэг  таваар өссөн нь голлон нөлөөлжээ.

Бүртгэгдсэн 181  авлигын  хэргийг Монгол Улсын  Эрүүгийн  хуулийн 22 дугаар бүлгийн зүйлээр ангилахад:

• 140  нь эрх мэдэл, албан тушаалын байдлаа урвуулан  ашиглах

• 33  нь хахууль авах гэмт хэрэг

• 16  нь хахууль  өгөх хэрэг

• 2  нь үндэслэлгүйгээр хөрөнгөжих гэмт  хэрэг

• 3 нь хуулийн этгээдийн эрх мэдлийг урвуулан  ашиглах гэмт хэрэг байна

ТАЙЛБАР: Авлигын гэмт хэрэг,  хэргийн төрлөөр, жил бүрийн эхний хагас жилийн байдлаар