ШАТАР: Азийн аваргаас Т.Мөнхзул хүрэл медаль хүртлээ

Монгол Улс эмэгтэйчүүдийн Ази тивийн аварга шалгаруулах шатрын онлайн тэмцээнээс хүрэл медаль хүртлээ.

Азийн Шатрын холбооноос дэлхий нийтийг хамарсан цар тахалтай холбоотойгоор Ази тивийн эмэгтэйчүүдийн аварга шалгаруулах шатрын тэмцээнийг 2021 оны наймдугаар сарын 23-ны өдрөөс 25-ны өдрийн хооронд www.tornelo.com платформ дээр зохион байгуулсан байна.

Тэмцээнд Монгол Улсаа төлөөлөн Үндэсний шигшээ багийн тамирчид болох МУГТ, ОУМ, ЭИМ Б.Мөнгөнтуул ЭОУМ Т.Мөнхзул нар оролцжээ. Тэмцээнд 15 орны 74 шилдэг шатарчидтай өрсөлдөж Монгол Улсын Үндэсний шигшээ багийн тамирчин ЭОУМ Т.Мөнхзул 9 өрөгөөс 6,5 оноотойгоор хүрэл медаль хүртсэн байна.