Сураггүй болсон иргэний унаж явсан морийг үхсэн байхыг олжээ

Б.Гантуяа | Zindaa.mn
2021 оны 08 сарын 29

Хөвсгөл аймгийн онцгой байдлын газарт Шаргын голд хүн осолдсон тухай дуудлага мэдээлэл ирүүлжээ. 

Тодруулбал, Хөвсгөл аймгийн Рэнчинлхүмбэ сумын Хоолойн зах багийн “Шаргын голын-Эх” гэдэг газарт /аймгийн төвөөс хойд зүгт 320 км-т, сумын төвөөс хойд зүгт 50 км-т/  наймдугаар сарын 19-ний өдрийн 17:00 цагийн орчим иргэн Б морьтой “Шаргын гол”-ыг гатлахдаа живсэн тухай мэдээлэл хүлээн авсан байна.

Улмаар орон нутгийн иргэд эрэн хайх ажиллагааг зохион байгуулж, наймдугаар сарын 20-ны өдрийн 11:00 цагт осол болсон газраас таван км-ийн зайд голын эргээс осолдсон иргэний унаж явсан морийг нь үхсэн байсныг олжээ. 

Гэвч морины эзнийг олоогүй тул аймгийн Онцгой байдлын газрын Эрэн хайх аврах салбарын алба хаагчид эрэн хайх ажиллагааг үргэлжлүүлэн зохион байгуулж байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ss (150.129.143.137)  2021 оны 08 сарын 31

Mori usand jibsen geheer ih l shiruun ursgaltai gol baisiin baihdaa

0  |  0
Зангараа (202.179.24.234)  2021 оны 08 сарын 31

Морий нь олоод хүний нь хаяж мэдэх л коммунистууд шүү.

0  |  1
Top