ДАШТ: Монголын байт харваачид ШИЛДЭГ НАЙМД шалгарлаа

Ц.Энхтүвшин, “Таван цагариг”

АНУ-ын Өмнөд Дакота мужийн Янктон хотноо болж буй байт харвааны Дэлхийн аварга шалгаруулах тэмцээний рекурв төрлийн холимог багийн төрөлд өчигдөр манай багийн тамирчид болох Д.Дашнамжил, А. Отгонжаргал нар Италийн хүчтэй багийг хожиж шуугиан тарьсан.

Манай хоёр тамирчин өнөөдөр (2021.09.23) Нидерландын багийг 5:1  38:38, 37:32, 37:36) -ээр хожиж, шилдэг наймд шалгарлаа.
 

Яг одоо БНСУ-ын багтай (Эмэгтэй нь Токиогийн олимпын 3 алтан медальт Ан Сан, эрэгтэй нь олимпын хошой аварга, ДАШТ-ий дөрвөн алтан медальт Ким Ву Жин) хагас шигшээд шалгарахын төлөө цэц сорьж байна.

Манай баг эхний сетэд 35:36-аар хожин хоёр оноогоо авсан, хоёр дахь сетэд 37:37 -оор тэнцэн оноо 3:1 боллоо.

Гурав дахь сетэд 34:37 -оор дийлдэн, оноо 3:3 болж тэнцсэн ч дөрөв дэх шийдвэрлэх сетэд 30:36 оноогоор ялагдан, нийлбэр оноогоор 3:5-аар тун харамсалтай ялагдлаа.

Гэхдээ Дэлхийн хамгийн шилдэг багийн хамгийн шилдэг тамирчидтай ана мана үзэж, бүр эхний хоёр сетэд хошуучилж, эцсийн сет хүртэл тэнцүү явна гэдэг бол үнэхээр мундаг амжилт юм.

Дэлхийн шилдэг найман багийн нэг болсон рекурв холимог багийн хоёртоо баяр хүргэе. Бахадмаар байлаа!!!