Монголын дугуйчин ДАШТ-д 94-т эрэмбэлэгдлээ

Өнгөрсөн амралтын өдөр Бельгийн вант улсад зохиогдсон дугуйн мэргэжлийн 94 дэх Дэлхийн аварга шалгаруулах тэмцээн явагдлаа.

Тэмцээнд Монгол Улсаас ОУХМ С.Жамбалжамц ганцаараа оролцон, 110 км тасралтанд явахдаа 2 цаг гаруй эх орныхоо нэрийг дэлхийд таниулан 239 км замыг туулж, 94-р байранд эрэмбэлэгдсэн сайхан амжилт үзүүллээ.

Энэ удаагийн Дэлхийн АШТ 268,3км-т уралдаж 45.147 км/цагийн дундаж хурд гарсан нь ямар ширүүн өрсөлдөөнтэй болсныг мөн тэмцээний дараах аваргуудын ярилцлага нотлож байна.

Монголын дугуйчид Мэргэжлийн ДАШТ-д 2 дахь удаагаа оролцож байгаа ба энэ удаагийн уралдаанд С.Жамбалжамц идэвхтэй дугуйчдын хандалтаар 4-рт жагсчээ.

Мэргэжлийн ДАШТ-нд оролцохын тулд олимпод орохтой адил Монголын дугуйн холбоо нь дэлхийн шилдэг 50 улсад багтаж ордог. Тиймээс манай улсын дугуйн холбоонд олимпийн 1 эрх байгаа бөгөөд одоо мэргэжлийн буюу Континенталь багаа байгуулан баталгаажуулж, 2-3 эрх авахын төлөө ажиллах шаардлагатай болжээ.