ДАШТ-ний хүрэл медальт ОУХМ Б.Шоовдорт хүндэтгэл үзүүллээ

2021 оны 10 сарын 17

ОБЕГ-ын харьяа “Аврагч” биеийн тамир техник спорт хороо 120 дугаар ангийн тамирчин, ОУХМ Б.Шоовдор Норвеги улсын Осло хотноо 2021 оны аравдугаар сарын 02-08-ны өдрүүдэд болсон “Осло-2021” ДАШТ-ийн 59 кг-ийн жинд барилдан хүрэл медалийн эзэн болсон.

ОУХМ Б.Шоовдор сүүлийн зургаан жил ДАШТ-д тасралтгүй оролцож, дөрөв дэх удаагаа медалийн төлөө барилдаж гурав дахь хүрэл медалиа хүртсэн юм.

Үүнтэй холбогдлуулан Дэд хурандаа П.Бүрэнтөгс захирагчтай “Аврагч” биеийн тамир техник спорт хороо 120 дугаар ангийн бие бүрэлдэхүүн өнгөрөгч Баасан гарагт /2021.10.15/ Чөлөөт бөхийн дэлхийн аварга шалгаруулах тэмцээнд амжилттай оролцож, Монгол Улсынхаа болон Онцгой байдлын байгууллагын нэр хүндийг өндөрт өргөсөн ОУХМ Б.Шоовдорт хүндэтгэл үзүүлж баяр хүргэлээ.

Тэрбээр “Будапешт-2018, “Нур-Султан-2019” ДАШТ-ийн хүрэл, Азийн АШТ-ийн хошой мөнгө, нэг хүрэл медальт, Иван Ярыгиний “Алтан Гранпри” болон “Mongolia Open” олон улсын тэмцээний гурван удаагийн аварга, Польшийн нээлттэй тэмцээн, Александр Медведь, Сассаригийн олон улсын тэмцээний аварга юм.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
О(202.126.89.171) 2021 оны 10 сарын 18

Дэлхийн бөх шүү

0  |  0
Зочин(202.126.90.72) 2021 оны 10 сарын 17

Нэг муу хүрлийн төлөө юун сүртэй юм бэ дээ

0  |  0
Top