МҮБХ: Допингийн шинжилгээний төлбөрт 29 сая төгрөг шилжүүлсэн

З.Тэмлүүн | Zindaa.mn
2021 оны 10 сарын 18

Монголын үндэсний бөхийн холбоо (МҮБХ)-ноос сүүлийн өдрүүдэд допингийн шинжилгээний талаар зарим бөх сонирхогчид, хэвлэл мэдээллээр гарч байгаа мэдээлэлд дахин хариу тайлбарыг хүргүүлжээ.

Тайлбарт "МҮБХ-ноос 2021 оны наймдугаар сарын 17-ны өдөр зохиогдсон 512 бөхийн барилдаанд шөвгөрсөн болон өөрсдийн саналаар шинжилгээ өгсөн 18 бөхийн шинжилгээний хариуг Олон улсын Допингийн эсрэг байгууллагын /WADA World Anti-Doping Agency/ журамд заасан заалтуудын дагуу Монголын үндэсний допингийн эсрэг байгууллагаас хүлээн авах, хүлээн авахдаа бүх хариуг ирсний дараа нэгтгэж авах саналаа өгсөн бөгөөд одоогоор хариуг хүлээж байгаа болно.

МҮБХ шөвгөрсөн 16 бөхийн төлбөрийг 2021 оны наймдугаар сарын 17-ны өдөр, мөн өөрсдийн зардлаар шинжилгээ өгсөн 2 бөхийн төлбөрийг 18-ны өдөр буюу нийт 29,098,800 төгрөгийг Монголын үндэсний допингийн эсрэг байгууллагын харилцах банкны данс руу шилжүүлсэн болно.

Тус байгууллагаас Олон Улсын Допингийн эсрэг байгууллагын итгэмжилсэн БНСУ-ын Сөүл хот дахь лабораторитай ямар гэрээтэй, биднээс авсан шинжилгээний төлбөр тооцоог тус лаборатори руу шилжүүлдэг эсэх, эсвэл ямар нэгэн хөнгөлөлт дэмжлэгийн дагуу хугацааны хувьд олон сар шинжилдэг талаарх дэлгэрэнгүй мэдээллийг МҮБХ авах боломжгүй байгаа болно" хэмээжээ. 

Эх сурвалж: МОНГОЛЫН ҮНДЭСНИЙ БӨХИЙН ХОЛБОО

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(150.129.143.199) 2021 оны 10 сарын 18

Одоо явдаг жо-нуудаас допингийн шинжилгээ авах нь утгагуй болчлоо доо, бугдээс нь биш юм аа гэхэд талаас нь найдвартай до илэрнэ дее

0  |  0
Top