Пара пауэрлифтингийн ДАШТ-д гавьяат Э.Содномпилжээ хүч үзнэ

2021 оны 11 сарын 28

Пара пауэрлифтингийн Дэлхийн аварга шалгаруулах тэмцээн /ДАШТ/-д Манай улсаас гавьяат дасгалжуулагч Д.Баттулга, Монгол Улсын хөдөлмөрийн баатар, гавьяат тамирчин, паралимпын аварга Э.Содномпилжээ - 107 кг жинд оролцоно.

2021 оны Залуучууд болон насанд хүрэгчдийн Дэлхийн аварга шалгаруулах тэмцээн нь Гүрж улсын нийслэл Тбилиси хотноо арванэгдүгээр сарын 27-ноос 12 дугаар сарын 6-ны өдрүүдэд зохион байгуулагдах юм. Манай тамирчны тэмцээн арванхоёрдугаар сарын 5 өдөр болно.

Энэ удаагийн ДАШТ нь "Парис-2024" паралимпын наадмын эрх олгох эхний тэмцээн болж байгаараа онцлогтой юм.

ДАШТ-ний тэмцээний шууд дамжуулалтыг олон улсын паралимпын хорооны албан ёсны веб сайт болон фейсбук хууднаас үзэх боломжтой.

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Mongol (64.119.18.245)  2021 оны 11 сарын 29

Amjilt husye!

1  |  0
Top