Төрийн өмчит компанийнхны ХОМ-ийг шалгаж байна
Авлигатай тэмцэх газрын Хяналт шалгалт, дүн шинжилгээний хэлтэс нь 2021 оны арваннэгдүгээр сарын 22-25-ны өдрүүдэд нийтийн албанд томилогдохоор нэр дэвшсэн 250 иргэний хувийн ашиг сонирхлын урьдчилсан мэдүүлгийг шалган, 173 мэдүүлгийг хянан шийдвэрлэлээ.
Одоогоор ажиллагаанд 77 нэр дэвшигчийн урьдчилсан мэдүүлэг хянагдаж байна.
Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 39 гомдол, мэдээллийг хүлээн авч шалгаснаас 5 гомдол, мэдээллийг хянан шийдвэрлэлээ.
Төлөвлөгөөт хяналт шалгалтын хүрээнд 120 албан тушаалтны хувийн ашиг сонирхлын болон хөрөнгө, орлогын мэдүүлгийг шалгаж, 6 мэдүүлгийг хянан шийдвэрлэжээ.
Одоогоор 114 албан тушаалтны хөрөнгө, орлогын болон хувийн ашиг сонирхлын мэдүүлгийг шалгаж байна.
Энэ хүрээнд “Улаанбаатар дулааны сүлжээ”, “Дулааны цахилгаан станц-4”, “Төрийн орон сууцны корпораци” зэрэг төрийн өмчит хуулийн этгээдийн нийт 52 албан тушаалтны ХАСХОМ-ийг шалгахаар шинээр хүлээн авсан бөгөөд одоогоор зургааг нь хянан шийдвэрлээд байна.
Холбоотой мэдээ
Сэтгэгдэл ( 1 )
нэргэсэн хойно нь хашгирваа гэж. Улаанбаатар дулааны сүлжээ ХК-ийн сэтэр зүүсэн болгон нь барилгын компаниудад техникийн нөхцөл гаргуулж өгөн шанд нь байр байшин авцгаадаг шүү дээ .Ялангуяа 2000-2019- оны үед ажиллаж байсан нөхдүүд бол бүр олон байр авилгалд авсан даа. Үүний уршгаар Улаанбаатар хотын дулаан хангамж эрс муудаж хэзээ мөдгүй хөлдөх аюул бүрдсэн. Одоо аж ахуйн нэгж айл өрхийн дулааныг насосны хүчээр л арай чүү эргүүлж байна.