Мориноос унасан хүүхдийг ачааны машинаар дайрч, амь насыг нь хохироожээ

Өнгөрөгч амралтын өдөр нийслэлийн Багануур дүүргийн нутаг дэвсгэрт, өсвөр насны хүүхэд ослын улмаас амь насаа алдсан харамсалтай хэрэг гарсан байна.

Тодруулбал, тус дүүргийн дөрөвдүгээр хороонд 13 настай хүү мориноосоо унаж, хажууд замд явж байсан том оврын автомашинд дайруулж амь насаа алджээ.

Энэ хэрэгт тухайн автомашиныг жолоодож явсан 33 настай эрэгтэйг сэжигтнээр татан шалгаж эхэлжээ.