Багшийн цалингаас завшсан ЭРХЛЭГЧИЙН хэргийг прокурорт шилжүүлжээ

З.Тэмлүүн | Zindaa.mn
2021 оны 12 сарын 20

Авлигатай тэмцэх газрын Мөрдөн шалгах хэлтэс 2021 оны арванхоёрдугаар сарын 13-17-ны өдрүүдэд гэмт хэргийн шинжтэй 11 гомдол, мэдээлэл хүлээн авч, нийт 93 гомдол, мэдээллийг шалгажээ.

Үүнээс 15 гомдол, мэдээлэлд хэрэг бүртгэлтийн хэрэг нээж, 29 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол, мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 47 гомдол, мэдээллийг хянан шалгаж байгаа аж. 

Өнгөрсөн долоо хоногт эрүүгийн 547 хэрэгт мөрдөн байцаалтын ажиллагаа явуулснаас 27 хэргийг шүүхэд шилжүүлэх, 28 хэргийг хаах, 6 хэргийг харьяаллын дагуу шилжүүлэх саналтай прокурорт шилжүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 484 хэрэг шалгагдаж байна.

Алт олборлодог аж ахуйн нэгжээс 200 сая төгрөгийн хахууль авсан Ц, багш нарын цалин дээр урамшууллын мөнгө бодож гаргуулан хувьдаа завшдаг Б, иргэдээс хураасан авто зам ашигласны төлбөрийг хувьдаа завшсан Б, мал эмнэлгийн ариутгал халдваргүйжүүлэлтийн хураамжийг хувьдаа завшсан Н, үндэслэлгүйгээр хөрөнгөжсөн байж болзошгүй Б, төрийн өмчид 64.8 тэрбум төгрөгийн хохирол учруулсан Д нарын зэрэг албан тушаалтнуудад холбогдох эрүүгийн 27 хэргийн мөрдөн шалгах ажиллагааг дуусгаж, шүүхэд шилжүүлэх саналтай прокурорын байгууллагад шилжүүлсэн байна. 

Түүнчлэн байгууллагын хөрөнгийг дураараа зарцуулж олсон орлогоос ашиг авсан, байгууллагын газрыг худалдан борлуулсан, татварын тайлангаар ямар ч бүртгэлгүй төрсөн дүүдээ буцаан олголт хийсэн, худалдан авах ажиллагаанд хамаарал бүхий этгээдээ оруулж шалгаруулсан, 120 сая төгрөгийн тендерийг шалгаруулалтгүйгээр өөртөө авсан, байгууллагадаа урьдчилан байдлаар 47.4 сая төгрөгийн хохирол учруулсан гэх үйлдэл бүхий гомдол, мэдээллүүдэд хэрэг бүртгэлтийн хэрэг шинээр нээн, шалгаж эхэлжээ.

Эх сурвалж: АТГ

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (66.181.190.233)  2021 оны 12 сарын 22

БГД-ийг сайн шалгах хэрэгтэй бусад дүүргээс маш бага хувь өгч байна хувалзнууд , үр дүнгийн урамшуулал хэний халаасыг түнтийлгээд байна

0  |  0
Zochin (66.181.161.78)  2021 оны 12 сарын 22

SHD-s shorond orson neg tsetserlegiin erhlegch,nyabo 2 baij l bna.Bitgii ih davraa.Ter tumen nudtei.

0  |  0
Нарантуяа (66.181.161.70)  2021 оны 12 сарын 22

БГД-н нэг цэуэрлэгийн эрхлэгч ажилчдынхаа нэр дээр ур чадвар, үр дүн бодож авдаг, бүүр крантинаар аварга шалгаруулаад мөнгийг нь өөрөө авсан, ажиллаагүй хүн дээр цалин бодох зэргээр өлөн бөөс шиг шимэгчилж бсан нь илрээд явсан яасан юм бол кк

0  |  0
Зочин (103.212.116.60)  2021 оны 12 сарын 21

Багш нарын бага цалингаас ашиг унагаад бдаг ямар шуналтай эрхлэгч вэ төсөөлөөд барахгүй бна

0  |  0
зочин (66.181.161.19)  2021 оны 12 сарын 22

зарим цэцэрлэгийн эрхлэгч нар бас байгаа ажилчдад 5% нэмэгдэлч олгодоггүй шүү дээ төсөв дутуу ирсэн гээд л хасана шүү дээ ямар нэгэн зүйл хэлээд л хана буруутан нь төсөв л байдаг тэрийг нь асууж лавлахаар ад шоо болно дээрээс яам хяадаг гээд л нягтлан хялалзаж уурлана шүү дээ

4  |  0
Монгол (59.153.86.39)  2021 оны 12 сарын 20

Монголд ичих бульчирхайгүй ноход дарга болдогийн нэгхэн жишээ энэ

0  |  0
Top