Дуучин Ч.Сэлэнгэ урлагтаа эргэн ирлээ
Одоогоос 10-аад жилийн өмнө “Харанга” хамтлагийн “Бүсгүй заяа”, “Сэрүүхэн бороо”, “Чи мэдэх үү” дуунуудаараа олны танил болж байсан дуучин Ч.Сэлэнгэ урлагтаа эргэн ирлээ.
Тэрээр ид мандаж байхдаа хувийн амьдралаа төвхнүүлэхээр уран бүтээлээсээ түр завсарлага аваад байсан юм. Тэгвэл дуучин бүсгүй шинэ оны босгон дээр шинэ уран бүтээлтэйгээр сонсогч фэнүүдтэйгээ дахин уулзлаа.
“Ганцхан талын тасалбар” дуугаар урлагтаа comeback хийсэн Ч.Сэлэнгэ өмнө нь дуучин С.Бичүүгийн хамт “Гуравхан жил”, дуучин Боботой хамтран дуулсан “Чинийхээ дэргэдээс холдмооргүй байна” дуугаараа тухайн үедээ үзэгч, сонсогч, фэнүүдийнхээ талархлыг хүлээж байсан юм.
Тэрээр өмнөд хөршид урлагийн чиглэлээр суралцаж төгссөн, боловсрол өндөртэй уран бүтээлчдийн нэг гэгддэг.
Ч.Сэлэнгэ нь “Хөх торгон цамц”, “Аргагүй амраг”, “Бүүвэйн дуу”, “Гандан уул”, “Цэн цэнгийн баавар”, “Цэвэр охин”, “Солонго” зэрэг дуунуудаараа “Аялуун” нэртэй цомог гаргаж байсан.
Холбоотой мэдээ
Сэтгэгдэл ( 0 )