Улсын өмгөөлөгчид 2292 эрүүгийн хэрэгт үнэ төлбөргүй өмгөөлөл үзүүлжээ

Улсын өмгөөлөгчид нь өнгөрсөн 2021 онд 2292 эрүүгийн хэргийн 2399 төлбөрийн чадваргүй холбогдогчид үнэ төлбөргүй хууль зүйн туслалцаа буюу өмгөөллийн үйлчилгээ үзүүлж, өссөн дүнгээр 7974 иргэнд хууль зүйн бүх шатны зөвлөгөө мэдээллийг өгчээ.

Өмгөөллийн үйлчилгээ үзүүлсэн нийт хэргээс шүүхээр 1348, шүүхийн өмнөх шатанд 87, хэрэг хянан шийдвэрлэх ажиллагааны явцад тодорхой шалтгааны улмаас татгалзсан 298, ажиллагаанд байгаа буюу эцэслэн шийдвэрлэгдээгүй 559 эрүүгийн хэргийн үлдэгдэлтэй байна.

Мөн нийт үйлчлүүлэгчдээс насанд хүрээгүй 144, бичиг үсэг тайлагдаагүй 493, оршин суух тодорхой хаяггүй 3, хөгжлийн бэрхшээлтэй 53, гадаадын 9 иргэн өмгөөллийн үйлчилгээ авсан. Түүнчлэн эцэслэн шийдвэрлэгдсэн эрүүгийн хэргээс шүүхийн өмнөх шатанд 63, шүүхийн шатанд 46 буюу нийт 109 эрүүгийн хэргийг хэрэгсэхгүй болгон шийдвэрлүүлж, 739 эрүүгийн хэрэгт улсын яллагчийн тавьсан саналаас доогуур ял оноолгон шийдвэрлүүлсэн байна.